Stħarriġ fost il-pajjiżi membri jindika żjieda fix-xettiċiżmu għall-munita ewro f’ħafna pajjiżi tal-Lvant tal-Ewropa u tal-pajjiżi Skandinavi. Fl-istess żmien żied l-appoġġ għall-ewro f’pajjiżi membri oħra bħal Franza.
Id-Danimarka hija eżentata milli tidħol fiż-żona ewro, imma l-pajjiżi tal-Lvant tal-Ewropa li saru membri wara s-sena 2000 ma għandhomx din l-eżenzjoni.
Fil-pajjiżi tal-Lvant, li jinkludu l-Polonja u r-Repubblika Ċeka, l-appoġġ għall-ewro naqas fost in-nuqqas ta’ qbil mal-politika ta’ Brussell. Fir-Repubblika Ċeka 4 persuni minn kull ħamsa jixtiequ jibqgħu bil-munita nazzjonali tagħhom. Fil-Bulgarija 55% tal-popolazzjoni ma tridx tadotta l-ewro. Fil-Polonja terz tal-popolazzjoni biss tixtieq tidħol fiż-żona ewro. Fl-Ungerija, minkejja l-ewroxettiċiżmu tal-Prim Ministru Ungeriż Viktor Orban, 58% tal-popolazzjoni tixtieq tadotta l-ewro.
Fil-pajjiżi Skandinavi bħall-Isvezja u d-Danimarka terz tal-popolazzjoni biss taħseb li hi idea tajba li pajjiżhom jidħol fiż-żona ewro.
Il-pajjiżi tal-Lvant obbligati jidħlu fiż-żona ewro meta l-ekonomiji tagħhom ikunu sodi biżżejjed biex jgħaddu mill-għarbiel tal-UE. Dan il-punt qiegħed fil-qrib imma issa l-pajjiżi tal-Lvant qed ikunu akkużati li qed jonqsu mill-wegħdiet politiċi tagħhom apposta biex jidhru li mhumiex lesti jidħlu fiż-żona ewro.
Il-pajjiżi li għadhom mhux fiż-żona ewro jridu jadottaw l-ewro sal-2025, imma attentat biex il-gvernijiet demokratiċi tagħhom ikunu mġiegħla jagħmlu dan jaf ikollu konsegwenzi riskjużi.
Il-munita ewro hija popolari ħafna fid-19-il stat li adottawha, bl-istħarriġ juri li fl-ebda stat membru taż-żona ewro l-popolazzjoni ma tivvota kontriha. Brussell tinsab sodisfatta ħafna bir-riżultati fil-Greċja, l-Italja u Franza li fil-passat kollha semmew l-idea li joħorġu miż-żona ewro u li issa reġa’ ħa rankatura sew l-appoġġ għall-munita.
L-‘ALLA ĠOVE’ DIĠA` BEDA JITLEF MILL-POPOLARITA`
Read MoreXEJRIET DIFFERENTI DWAR L-EWRO FIL-LVANT U FIL-PUNENT TAL-EWROPA
Read MoreAZZJONIJIET KONTRA L-UNGERIJA, IL-POLONJA U R-REPUBBLIKA ĊEKA FUQ L-IMMIGRAZZJONI
Read MoreJAQBLU DWAR KOOPERAZZJONI FIL-MEDITERRAN ĊENTRALI
Read MoreIL-KUMMISSJONI EWROPEA SE TILTAQA’ MAL-PAJJIŻI TAL-VISEGRAD
Read MoreSITT PAJJIŻI TAL-BALKANI JAQBLU DWAR ŻONA EKONOMIKA REĠJONALI
Read MoreDISKUSSI OSTAKLI GĦAL ŻONI REMOTI FL-UE
Read MoreSARAJEVO TĦEJJI GĦAD-DĦUL FL-UE
Read More
Post a comment