L-Ungerija se titla’ fil-Qorti tal-Ġustizzja tal-UE biex tappella kontra s-sistema ta’ kwoti obbligatorji għall-immigranti. Dan wara li l-parlament Ungeriż għadu kif għadda liġi f’Novembru li tgħid li l-kwoti jċaħħdu lil parlamenti nazzjonali milli jiddeċiedu huma għal pajjiżhom. Skont il-pjan ta’ rilokazzjoni, l-Ungerija trid tieħu 2, 000 persuna fuq perijodu ta’ sentejn. Is-Slovakkja qalet li anki hi se titla’ fil-qorti tal-ġustizzja tal-UE biex tiġġieled kontra d-deċiżjoni tal-kwoti. Il-Kummissjoni qed tgħid li legalment id-deċiżjoni tagħha hija b’saħħitha.
Pajjiż bħall-Polonja li għadu kemm kellu bidla fil-gvern, iddikjara li mhux se jaċċetta l-kwota ta’ immigranti li tawh għax qed jibża’ li jista’ jkollu fosthom terroristi moħbija. S’issa 158 rifuġjat biss ġew rilokati mill-Greċja u l-Italja, minn total ta’ 160, 000 li l-istati membri qalu li se jieħdu f’sentejn.
Franza qed tgħid li huwa impossibbli għaliha biex iddaħħal aktar rifuġjati u qed titlob biex l-UE twaqqaf kompletament il-mewġ ta’ immigranti li għadhom deħlin mil-Lvant Nofsani. Skont Franza, l-UE ma tiflaħx aktar rifuġjati u mhux se taċċetta aktar mit-30, 000 li ftehmet li se tieħu skont il-pjan ta’ rilokazzjoni.
L-Isvezja qed titlob assistenza għall-mekkaniżmu ta’ rilokazzjoni għax ma għandhiex aktar fejn tilqa’ n-nies. Id-Danimarka, li voluntarjament iddeċidiet li ddaħħal ir-refuġjati f’Settembru, indikat li anki hi se twaqqaf ir-rilokazzjoni ta’ 1, 000 mill-Greċja u l-Italja għax-xtut tagħha.
Ir-Renju Unit kellu sena rekord ta’ immigrazzjoni. Sa Ġunju 2015, fir-Renju Unit daħlu 336, 000 persuna, meta kkomparat ma’ 254, 000 għall-istess perijodu fl-2014.
265, 000 mill-immigranti kienu ċittadini tal-UE ġejjin l-aktar mir-Rumanija u l-Bulgarija. Meta wieħed inaqqas dawk l-immigranti li ħarġu mir-Renju Unit, il-pajjiż jibqa’ b’180, 000 immigrant, figura li tmur kontra l-mira tal-Prim Ministru David Cameron li jixtieq inaqqas l-immigrazzjoni għall-100, 000 kull sena. Cameron jixtieq li r-Renju Unit ikun anqas attraenti għall-ħaddiema Ewropej u ppropona li biex ħaddiem ikun eleġibbli għall-benefiċċji soċjali, jrid ikun ilu jgħix u jaħdem fir-Renju Unit għal mill-anqas erba’ snin. Din il-proposta ma niżlitx tajjeb ma’ stati membri oħra fi ħdan l-Unjoni.
Malta u l-Unjoni Ewropea NL28
Read More
L-IMMIGRAZZJONI TIBQA’ L-IKBAR UĠIGĦ TA’ RAS
Read More
MIŻURI ĠODDA KONTRA T-TERRORIŻMU
Read More
FRANZA TFITTEX IS-SOLIDARJETÀ TAL-ISTATI MEMBRI TAL-UE
Read More
NEFQA TA’ €600 MILJUN AKTAR GĦAL FRANZA
Read More
L-AFRIKA GĦANDHA BŻONN ‘MARSHALL PLAN’
Read More
€150 MILJUN GĦAL PROĠETTI FL-AFRIKA
Read More
IL-GRIEGI U T-TOROK IMĦASSBA DWAR IL-FRUNTIERI
Read More
IS-SITT MEPS MALTIN KONTRA L-PROPOSTI ĠODDA TAT-TAXXI TAL-UE
Read More
L-INTRAPRIŻI ŻGĦAR U MEDJI : IS-SINSLA TAL-EKONOMIJA TAL-UE
Read More
IT-TURKIJA WARA L-BIEB
Read More
L-ESKLUŻJONI TAN-NISA XXEKKEL L-IŻVILUPP TAS-SOĊJETA’
Read More
IL-FONDI GĦALL-IŻVILUPP REĠJONALI
Read More
L-EFFETTI TAL-AGRIKOLTURA
Read More
Post a comment