‘Mingħajr ir-Renju Unit m’hemmx Unjoni Ewropea’ qal il-Ministru tal-Finanzi Finlandiż Alexander Stubb. Stubb qal dan lill-Ministru Ingliż George Osborne waqt il-mawra ta’ Osborne fil-pajjiżi Skandinavi biex jikseb appoġġ għar-riformi li l-Ingliżi jixtiequ jiksbu mill-Unjoni Ewropea. Il-Prim Ministru Finlandiż qal li dak li qed iħasseb lill-Gvern Brittanniku għandu jittieħed bis-serjeta`.
Osborne uża l-mawra tiegħu ta’ ġurnata fil-Finlandja, l-Isvezja u d-Danimarka biex jiffoka dwar il-protezzjoni tad-drittijiet ta’ dawk l-istati membri li ma addottawx l-ewro. Min-naħa l-oħra d-19-il pajjiż li jużaw din il-munita qed jimbuttaw għal aktar għaqda u integrazzjoni ekonomika. Il-Ministru tal-Finanzi Svediża Magdalena Andersson ukoll saħqet fuq l-istess punt ta’ Osborne. Saħqet li għandu jkun evitat il-ħruġ tar-Renju Unit mill-UE.
Osborne, li x-xahar li għadda żar Pariġi biex jiddiskuti r-riformi tal-UE qal li huwa possibbli li jintlaħaq ftehim fuq wieħed mill-punti ċentrali tal-pjanijiet Brittanniċi – aktar kontroll fuq il-pagamenti tas-sigurta` soċjali lill-immigranti li jaslu fir-Renju Unit.
Il-Prim Ministru Konservattiv David Cameron, li reġa’ ġie elett għal terminu ieħor f’Mejju li għadda, tela’ bl-għan li jirrinegozja s-sħubija tar-Renju Unit mal-UE u bl-għajta li se jagħmel referendum fl-aħħar tal-2017 biex l-Ingliżi jagħżlu jridux jibqgħu ġewwa jew barra l-UE. Cameron se jagħmel kampanja favur li r-Renju Unit jibqa’ membru tal-UE jekk ir-riformi li qed jipproponi lill-UE jitwettqu. Jekk le, il-Konservattivi aktarx jagħmlu kampanja biex pajjiżhom joħroġ mill-UE. Din id-deċiżjoni jista’ jkollha konsegwenzi fuq il-kummerċ, l-investiment u l-pożizzjoni tar-Renju Unit fix-xena internazzjonali.
CYPRUS AIRWAYS UĠIGĦ TA’ RAS GĦALL‑KUMMISSJONI EWROPEA
Read More
TIGGRAVA L‑KRIŻI TAL‑IMMIGRAZZJONI FIL‑MEDITERRAN U FIL‑BALKANI
Read More
IR‑RIŻENJA TA’ TSIPRAS MA TTIĦDITX B’SORPRIŻA
Read More
‘M’HEMMX UNJONI EWROPEA, BLA RENJU UNIT’
Read More
L‑UNGERIJA TIPPROVA TEVADI T‑TRATTAT TA’ DUBLIN
Read More
F’LULJU BAQGĦET STABBLI R‑RATA TA’ INFLAZZJONI FIŻ‑ŻONA EWRO ‑ B’0.2%
Read More
MA JISTGĦUX JISTADU GĦAT‑TONN
Read More
STRESS TESTS GĦALL‑BANEK EWROPEJ
Read More
L‑UNJONI EKONOMIKA U MONETARJA (EMU)
Read More
JHEDDU LI JWAQQFU S-SUSSIDJU LILL-EURONEWS
Read More
Post a comment