Nhar it-Tnejn 6 ta’ Ġunju l-Kummissjoni Ewropea se tipproponi lill-esperti tal-istati membri, estensjoni ta’ sentejn għall-awtorizzazzjoni tal-‘glyphosate’ biex l-Aġenzija Ewropea tal-Prodotti Kimiċi tistabilixxi jekk dan il-bexx hux perikoluż. Intqal li f’dan iż-żmien l-Aġenzija twettaq it-testijiet meħtieġa biex tistabilixxi l-bexx iħallix effetti fuq l-ormoni tal-bniedem. “Din hija estensjoni tal-awtorizzazzjoni l-qadima” qal kelliem tal-Kummissjoni.
Il-proposta issa se tmur quddiem il-Kumitat tal-Pjanti, Annimal, Ikel u Għalf tal-Unjoni Ewropea. Il-‘glyphosate’ hija kimika użata fl-agrikoltura li filwaqt li toqtol il-ħaxix ħażin, tista’ tikkawża l-kanċer, fost effetti negattivi oħra. Il-vot biex tkompli tintuża l-kimika ‘glyphosate’ għal disa’ snin oħra, mingħajr restrizzjonijiet, ma ttiħidx għax il-Kummissjoni kkonkludiet li mhux se jkun hemm maġġoranza kwalifikata ta’ voti mill-istati membri.
Il-posponiment qed jagħti tama lil dawk kollha li jopponu l-użu ta’ dan il-bexx. Iż-żmien huwa qasir għax fit-30 ta’ Ġunju tiskadi l-liċenzja attwali għal użu tal-kimika popolari ħafna fl-agrikoltura bil-bdiewa u l-assoċjazzjonijiet tagħhom jgħidu li ma hemmx bexx ieħor effettiv daqsu. Jekk ma jittiħidx vot sa dan ix-xahar, il-Kummissjoni trid tagħti ruling b’nofs qalb għax ikollha ġġorr ir-responsabbilta` tad-deċiżjoni waħidha. Imbagħad ikun imiss li ma jidħlux aktar fl-UE prodotti li għandhom din il-kimika.
QBIL DWAR ID-DEJN TAL-GREĊJA
Read MoreL-OPERAZZJONI SOFIA ESTIŻA B’SENA
Read MoreIL-VISA LIT-TOROK TRID AKTAR ŻMIEN
Read MoreRAPPORT DWAR L-IMPATT TAT-TTIP
Read MoreSENA NIFS GĦAL SPANJA DWAR ID-DEFIĊIT
Read MoreSENTEJN BIEX JANALIZZAW L-UŻU TAL-GLYPHOSATE
Read More100,000,000 EWROPEW B’UĠIGĦ FL-GĦADAM U L-MUSKOLI
Read MoreUTOPIA FI SPANJA
Read More
Post a comment