Il-Kummissjoni Ewropea ħarġet rapport tekniku għall-konsultazzjoni pubblika dwar l-impatt tal-ftehim ta’ kummerċ u investiment bejn l-Istati Uniti u l-UE (TTIP). Ir-rapport ta’ 400 paġna tħejja minn konsulenti indipendenti wara konsultazzjonijiet wiesgħa. Ir-rapport jgħid li bit-TTIP jiżdied it-tkabbir u tiżdied l-esportazzjoni lejn l-Istati Unit b’27%. Jgħid ukoll li jiżdiedu l-benefiċċji għaċ-ċittadini kemm Ewropej u kemm Amerikani.
Il-Kummissjoni qalet li permezz tal-ftehim ta’ kummerċ mal-Istati Uniti, u anki mal-Kanada, l-UE tkun qed taffettwa l-globalizzazzjoni bi standards Ewropej u favur żvilupp sostenibbli. Qalet ukoll li fin-negozjati għad ma kienx hemm biżżejjed progress fuq kwistjonijiet li huma importanti għall-UE. Fl-aħħar summit tal-G7 Franza baqgħet turi x-xettiċiżmu tagħha għal dan il-ftehim. Il-Ġermanja qalet li fin-negozjati l-għaġġla ma għandhiex tieħu post il-kwalita`.
Wara ż-żmien ta’ konsultazzjoni, se jkun ippubblikat ir-rapport finali u r-rakkomandazzjonijiet qabel l-aħħar tas-sena.
L-Assoċjazzjoni tal-Konsumaturi qalet li l-istudju juri li bit-TTIP se jogħlew il-prezzijiet b’medja ta’ 0.3% kontra dak li ntqal meta bdew in-negozjati tliet snin ilu fejn il-wiegħda kienet għal prezzijiet orħos.
L-abbozz tar-rapport tista’ ssibu fuq: http://goo.gl/nHWGI3.
QBIL DWAR ID-DEJN TAL-GREĊJA
Read MoreL-OPERAZZJONI SOFIA ESTIŻA B’SENA
Read MoreIL-VISA LIT-TOROK TRID AKTAR ŻMIEN
Read MoreRAPPORT DWAR L-IMPATT TAT-TTIP
Read MoreSENA NIFS GĦAL SPANJA DWAR ID-DEFIĊIT
Read MoreSENTEJN BIEX JANALIZZAW L-UŻU TAL-GLYPHOSATE
Read More100,000,000 EWROPEW B’UĠIGĦ FL-GĦADAM U L-MUSKOLI
Read MoreUTOPIA FI SPANJA
Read More
Post a comment