Il-Parlament Ewropew approva ‘Ir-Rapport Annwali dwar il-Politika tal-Kompetizzjoni għal 2014’ ippreżentat mir-rapporteur Ġermaniż u MPE Langen. Ir-rapport kien jinkludi numru ta’ emendi rilevanti għal Malta u li ġew inklużi fit-test finali mill-Membru Parlamentari Malti Alfred Sant. Dr Sant kien ‘Shadow Rapporteur’ għar-rapport għan-nom tal-Grupp tas-Soċjalisti u Demokratiċi. Ir-rapport għadda b’500 vot favur, 137 kontra u 73 astensjoni.
L-emendi ta’ Dr Sant fir-rapport finali jinkludu għajta favur aktar konverġenza u koeżjoni soċjali u ekonomika fi ħdan l-Unjoni Ewropea b’referenza speċjali għal reġjuni insulari; marġini aktar wiesa’ fl-għotja tal-għajnuna tal-istat fil-qasam tat-trasport f’żoni insulari; trattament speċjali għall-istati gżejjer f’dak li għandu x’jaqsam mal-għajnuna tal-istat; għajnuna tal-istat biex ikunu mħarsa servizzi ta’ interess ekonomiku ġenerali tal-UE; aktar attenzjoni lejn id-drittijiet tal-konsumatur bl-implimentazzjoni tal-politika tal-kompetizzjoni tal-UE; l-aspett globali tar-regoli tal-kompetizzjoni li jenfasizzaw li l-Kummissjoni trid tikkunsidra l-impatt li l-politika tagħha qed ikollha fuq imprendituri Ewropej vis-à-vis imprendituri internazzjonali.
Fl-indirizz tiegħu lill-Parlament Ewropew Dr. Sant qal li r-regoli tal-għajnuna tal-istat tal-UE qed ikunu applikati f’żoni iżolati u dawk fil-periferija tal-Ewropa bl-istess mod kif qed ikunu applikati fil-pajjiżi ċentrali Ewropej li huma mogħnija b’ħafna aktar riżorsi. Dan l-aġir ma jistax ikun ġustifikat bl-argument li l-fondi strutturali u l-fondi ta’ koeżjoni qed jagħmlu tajjeb għall-iżvantaġġi li jġarrbu dawn l-inħawi għax mhux hekk qed jiġri. L-infrastruttura fl-oqsma tal-komunikazzjoni, l-għajnuna lill-intrapriżi żgħar u medji, l-enerġija, il-protezzjoni ta’ attivitajiet tradizzjonali ċkejkna fil-gżejjer żgħar bħal Malta u Għawdex ma jħallux effett fil-kuntest tas-suq kontinentali wieħed. Li tapplika l-istess trattament kemm għal dawn ir-reġjuni u kemm għal reġjuni fiċ-ċentru tal-Ewropa, qed iwassal biex jiżdiedu d-differenzi strutturali li diġa` jeżistu bejn iċ-ċentru u l-periferija tal-Unjoni Ewropea.
Dr Sant qal li r-rapport dwar il-kompetizzjoni jqajjem ċertu tħassib dwar l-iskop, il-poter u l-metodu tad-Direttur Ġenerali tal-Kompetizzjoni. ‘Il-firxa tiegħu hija waħda mill-aktar għodda potenti fil-qasam eżekuttiv tal-Kummissjoni Ewropea, u anki tal-Unjoni Ewropea. Id-Direttur-Ġenerali tal-Kompetizzjoni għandu l-poter li jfassal u jbiddel ir-regoli tas-suq fi ħdan l-Unjoni. Dawn jaffettwaw firxa wiesa’ ta’ kwistjonijiet ekonomiċi u finanzjarji. Jista’- u filfatt hekk jagħmel – jagħti ordnijiet lill-gvernijiet, korporazzjonijiet żgħar u kbar, rigward deċiżjonijiet li ħadu jew li jeħtieġ li jieħdu.
Segwi d-diskors ta’ Dr Sant fuq din il-link:
https://www.youtube.com/watch?v=WU4oZ-CuExo
Malta u l-Unjoni Ewropea NL32
Read More
L-IMMIGRAZZJONI : PRIJORITÀ TAL-PRESIDENZA OLANDIŻA
Read More
IL-KOEŻJONI POLITIKA BŻONNJUŻA GĦALL-ISFIDA TAL-IMMIGRAZZJONI
Read More
ĦAMES PAJJIŻI JESTENDU L-KONTROLLI FUQ IL-FRUNTIERI TAX-‘SCHENGEN’
Read More
EFFETTI NEGATTIVI BIL-KONTROLLI TAL-FRUNTIERI
Read More
L-ITALJA : ‘MNEJN ĠEJJIN €3 BILJUN GĦAT-TURKIJA?’
Read More
PJAN TA’ AZZJONI KONTRA T-TERRORIŻMU
Read More
GŻEJJER ŻGĦAR DIFFERENTI MILL-PAJJIŻI ĊENTRALI TAL-EWROPA
Read More
JIŻDIEDU L-INUGWALJANZI SOĊJALI
Read More
MEĦTIEĠA ANALIŻI STRATEĠIKA TAL-PROĠETT EWROPEW
Read More
TIŻDIED L-INFLAZZJONI FIŻ-ŻONA EWRO
Read More
TRID TINBIDEL IL-POLITIKA TAS-SAJD
Read More
L-OBESITA’: PRIJORITA’ TAL-PRESIDENZA MALTIJA
Read More
ĊIFRI DWAR BRUSSELL
Read More
Post a comment