Il-Kummissjoni Ewropea qalet li r-riżenja tal-Prim Ministru Grieg Alexis Tsipras ma kinitx sorpriża. Elezzjoni ġenerali bikrija mistennija ssir fil-Greċja fl-20 ta’ Settembru. Annika Breidthardt kelliema għall-KE qalet li l-Kummissjoni mhux qed tinkwieta fuq l-implimentazzjoni tar-riformi imposti mill-UE fuq il-Greċja għaliex dawn diġa` għaddew mill-parlament u se jibdew jitwettqu minn Ottubru li ġej, irrispettivament mill-elezzjonijiet.
Tsipras għadu popolari fil-Greċja u x-xandir Grieg interpreta d-deċiżjoni ta’ Tsipras bħala mezz biex jikkonsolida l-pożizzjoni tiegħu u jirranġa l-partit tas-Syriza. Madwar 20 membru tas-Syriza rriżenjaw mill-partit biex jiffurmaw partit ġdid bl-isem ta’ ‘Għaqda Popolari’ mmexxi mill-ex ministru tal-enerġija Panagiotis Lafazanis. Dan il-partit huwa kontra l-għajnuna finanzjarja li se tingħata l-Greċja u huwa lest li jerġa’ jirrifjuta r-riformi imposti mill-UE u favur li l-Greċja toħroġ miż-żona ewro.
Il-pajjiżi taż-żona ewro se jerġgħu jiddiskutu d-dejn tal-Greċja f’Ottubru li ġej. Il-Kummissjoni qalet li analizzat l-impatt soċjali tal-programm ta’ riformi Grieg. Skont ir-riżultati, jekk ir-riformi jkunu implimentati b’mod sħiħ u fiż-żmien stipulat, il-miżuri se jwasslu lill-Greċja fit-triq tal-istabilita` u t-tkabbir b’mod li hu vijabbli soċjalment u finanzjarjament.
Skont il-ġurnal Franċiż Le Monde, Alexis Tsipras staqsa lil Parlament Ewropew biex ikun involut direttament u b’mod sħiħ fil-moniteraġġ tal-implimentazzjoni tat-tielet pjan ta’ salvataġġ tal-Greċja.
![](http://www.alfredsant.eu/wp-content/uploads/2015/08/1200-A-Cyprus-58627487-300x300.jpg)
CYPRUS AIRWAYS UĠIGĦ TA’ RAS GĦALL‑KUMMISSJONI EWROPEA
Read More
![](http://www.alfredsant.eu/wp-content/uploads/2015/08/bigstock-People-In-Refugee-Camp-87203729-300x300.jpg)
TIGGRAVA L‑KRIŻI TAL‑IMMIGRAZZJONI FIL‑MEDITERRAN U FIL‑BALKANI
Read More
![](http://www.alfredsant.eu/wp-content/uploads/2015/08/1200-TSIPRAS-facebook-300x300.jpg)
IR‑RIŻENJA TA’ TSIPRAS MA TTIĦDITX B’SORPRIŻA
Read More
![](http://www.alfredsant.eu/wp-content/uploads/2015/08/bigstock-Brexit-Symbol-Of-The-Referend-92074286-300x300.jpg)
‘M’HEMMX UNJONI EWROPEA, BLA RENJU UNIT’
Read More
![](http://www.alfredsant.eu/wp-content/uploads/2015/08/1200-Serbia-and-Hungary-map-d-65871835-300x300.jpg)
L‑UNGERIJA TIPPROVA TEVADI T‑TRATTAT TA’ DUBLIN
Read More
![](http://www.alfredsant.eu/wp-content/uploads/2015/08/1200-Coffee-drink-served-with-crois-87242519-300x300.jpg)
F’LULJU BAQGĦET STABBLI R‑RATA TA’ INFLAZZJONI FIŻ‑ŻONA EWRO ‑ B’0.2%
Read More
![](http://www.alfredsant.eu/wp-content/uploads/2015/08/bigstock-Blue-fin-Tuna-88946870-300x300.jpg)
MA JISTGĦUX JISTADU GĦAT‑TONN
Read More
![](http://www.alfredsant.eu/wp-content/uploads/2015/08/bigstock-People-Stand-In-A-Queue-To-Use-94844513-300x300.jpg)
STRESS TESTS GĦALL‑BANEK EWROPEJ
Read More
![](http://www.alfredsant.eu/wp-content/uploads/2015/08/Europäische_Wirtschafts-_und_Währungsunion.svg_-300x300.jpg)
L‑UNJONI EKONOMIKA U MONETARJA (EMU)
Read More
![](http://www.alfredsant.eu/wp-content/uploads/2015/08/1200_euronews1-300x300.jpg)
JHEDDU LI JWAQQFU S-SUSSIDJU LILL-EURONEWS
Read More
Post a comment