ANQAS QGĦAD FIŻ-ŻONA EWRO

F’Ġunju l-qgħad fiż-żona ewro kien ta’ 8.3%, meta mqabbel ma’ 9% fl-istess perijodu tas-sena l-oħra. Din hija l-inqas rata ta’ qgħad fiż-żona ewro minn Diċembru 2008, qal l-uffiċċju tal-istatistika Ewropew Eurostat. Fuq livell Ewropew il-qgħad huwa ta’ 6.9%, l-inqas rata minn Mejju tal-2008. Madanakollu jeżistu differenzi kbar fir-rati ta’ qgħad fil-pajjiżi Ewropej, minn 2.4% fir-Repubblika Ċeka, 3.4% fil-Ġermanja u 3.9% f’Malta għal 20.2% fil-Ġreċja u 15.2% fi Spanja. L-ikbar tnaqqis seħħ f’Ċipru, Portugall u Kroazja.