IL-LEMIN ESTREM IŻID L-APPOĠĠ FL-ISVEZJA

L-Isvezja tmur tivvota fid-9 ta’ Settembru bil-votazzjoni diġa` miftuħa għall-Isvediżi li jgħixu barra pajjiżhom. Il-partit populist tal-lemin Demokratiċi Svediżi żied fil-popolarita` u laħaq rekord ta’ 22% fl-istħarriġ tal-opinjoni pubblika, żewġ punti biss wara s-soċjal demokratiċi fil-gvern u tliet punti aktar mill-Moderati – żewġ partiti stabbiliti li qed jitilfu l-voti. Minbarra li qed isejħu għal referendum biex joħorġu mill-UE mlaqqam Swexit, id-Demokratiċi Svediżi jridu jwaqqfu l-immigrazzjoni u jiġġieldu l-kriminalita`.

Iż-żieda fil-popolarita` tad-Demokratiċi Svediżi qed timxi pari passu ma’ dak li qed iseħħ f’pajjiżi Ewropej oħra fejn partiti tal-lemin estrem u partiti kontra l-immigrazzjoni qed iżidu ħafna fil-voti. Fl-Isvezja l-popolarita` ta’ partit tal-lemin estrem hija aktar inkwetanti għaliex fin-norma l-popolazzjoni Svediża mhix razzista.

Fl-Ungerija, fl-Italja u fl-Awstrija rajna mexxejja populisti jew tal-lemin estrem jieħdu t-tmun ta’ pajjiżhom wara kampanja kontra l-immigrazzjoni, fil-Ġermanja il-lemin estrem irnexxielu jidħol fil-Parlament Ġermaniż.

Mill-2012 ’l hawn 400,000 immigrant talbu l-ażil fl-Isvezja.