JEGĦRQU 1,514 IMMIGRANT FIL-MEDITERRAN

1,514-il persuna tilfu ħajjithom fil-baħar Mediterran mill-bidu tal-2018 ’l hawn filwaqt li 57, 571 persuna daħlu fl-UE b’din ir-rotta, skont l-IMO – l-Organizzazzjoni Internazzjonali tal-Immigrazzjoni.

Il-Kummissjoni Ewropea ssoktat b’laqgħa mal-IMO, l-UNHCR (l-aġenzija tal-Ġnus Magħquda għar-Refuġjati), u ma’ pajjiżi oħra tal-Mediterran. F’din il-laqgħa ġew diskussi l-isfidi u s-soluzzjonijiet kif ukoll il-kunċett ta’ platforms li fihom jinżlu l-immigranti, kunċett approvat fil-Kunsill tal-Unjoni Ewropea f’Ġunju li għadda.

Jeżisti qbil ġenerali biex tissaħħaħ il-kooperazzjoni u tiżdied il-kunfidenza bejn iż-żewġ naħat fid-dawl li l-operazzjonijiet ta’ salvataġġ naqsu f’dawn l-aħħar ġimgħat minħabba l-ostakli li qed tqajjem l-Italja u ż-żieda ta’ mwiet fil-baħar. Il-Kummissjoni qalet li qed tipprova ssib “soluzzjonijiet mal-imsieħba kollha tal-Mediterran”.

Il-Kummissjoni qalet li se tibqa’ taħdem qrib dawn iż-żewġ aġenziji u l-istati membri biex tipprovdi aktar appoġġ lil pajjiżi terzi.