PARIR BIEX ĠUDIKANTI POLLAKKI JIĠU SOSPIŻI

Ġudikaturi mill-Istati Membri tal-UE qed jippjanaw biex jissospendu lil Polonja minħabba l-indħil politiku fis-sistema legali Pollakka.

Il-European Network of Councils for the Judiciary (ENCJ) hija waħda mill-ħafna organizzazzjonijiet li jikkritikaw il-gvern Pollakk minħabba l-bidliet li wettaq fil-qasam tal-ġudikatura minn mindu kiseb il-poter fl-2015.

L-ENCJ jagħti pariri lill-eżekuttiv tal-UE dwar ir-rispett tal-istat tad-dritt fil-pajjiżi tal-UE u mistenni jiltaqa’ fis-17 ta’ Settembru biex jiddeċiedi dwar is-sospensjoni tal-ġudikaturi Pollakki li jirrappreżentaw lil pajjiżhom f’din l-entita` Ewropea.

L-UE għandha bosta każijiet legali miftuħa kontra l-Polonja dwar ir-riformi tal-ġudikatura, iżda l-gvern Pollakk baqa’ jgħid li dawn il-bidliet huma bżonnjużi biex il-qrati jsiru aktar effettivi.