FAVUR AKTAR ĦIDMA MAL-LIBJA

L-istati membri tal-UE ġeddew il-wiegħda tagħhom li jimplimentaw id-deċiżjonijiet li ntlaħqu f’Malta biex tissokta l-ħidma li twaqqaf l-immigranti milli jitilqu mil-Libja. Il-Polonja biss ma kinitx involuta f’dan il-pass bi protesta kontra l-ħatra mill-ġdid ta’ Donald Tusk bħala President tal-Kunsill Ewropew.

Fis-Summit ta’ Malta ġie deċiż li l-UE tħarreġ il-gwardji tal-kosta Libjani. Qablu wkoll li jagħtu l-appoġġ u jiffinanzjaw pajjiżi ġirien tal-Libja jwaqqfu l-immigranti milli jiġu lejn l-Ewropa.

Il-Kummissjoni nediet dokument li jirrinforza l-politika tar-ritorn tal-immigranti. L-istati membri jixtiequ li jintlaħaq qbil dwar il-prinċipju ta’ solidarjeta` u l-iproċessar tat-talbiet tal-ażil mill-istati membri taħt il-Presidenza Maltija. Iċ-ċentru tal-Mediterran qed jiddomina d-diskussjonijiet minħabba l-problemi tal-immigrazzjoni.

Il-Prim Ministru Spanjol Mariano Rajoy qal li l-ħidma għandha tinfirex ukoll fuq il-Punent tal-Mediterran.