Fid-diskors dwar l-Istat tal-Unjoni fil-Parlament Ewropew nhar l-Erbgħa 13 ta’ Settembru, il-President tal-KE Jean-Claude Juncker mistenni jżid xenarju ieħor, is-sitt wieħed, li jisħaq fuq għaqda politika li tmur lil hinn mill-viżjoni ta’ Ewropa kummerċjali biss. Fil-‘White Paper’ diġa` hemm ħames xenarji tal-Unjoni sas-sena 2025.
“Nemmen li se jkun hemm is-sitt xenarju u dan se jkun dak li se nipproponu. Ma pproponejnihx qabel biex ma noqtluhx qabel ikun twieled.” qal Juncker.
Juncker qal li l-kontinent Ewropew huwa l-iżgħar kontinent u għalkemm l-ekonomija tiegħu mhux titlef il-kolp, l-influwenza tiegħu qed tonqos. Il-Prodott Gross Domestiku tal-UE se jkun qed jaffettwa anqas minn 20% tal-ġid globali fil-futur qarib. B’mod demografiku l-Ewropej se jkunu qed jirrappreżentaw biss 4% jew 5% tal-popolazzjoni globali sal-aħħar ta’ dan is-seklu.
“Dawn huma d-dgħufijiet tal-Ewropa u mhux se nkunu nistgħu nagħmlu xejn dwarhom ħlief li ngħidu li s-27 pajjiż huma aktar b’saħħithom flimkien milli separati.”
Bit-tluq tar-Renju Unit mill-UE u bit-tnaqqis fl-influwenza globali tal-UE, l-Ewropa issa trid tibqa’ magħquda aktar minn qabel, qal il-President tal-Kummissjoni.
“Mhux iż-żmien li nirtiraw f’pajjiżi nazzjonali, imma huwa ż-żmien għal aktar għaqda Ewropea. Mingħajr għaqda, ma jkollniex aktar vuċi, u mingħajr għaqda ma nkunux nistgħu ninfluwenzaw żviluppi internazzjonali.”
Fid-diskors annwali, tradizzjoni li nbdiet mill-predeċessur tiegħu, Jose` Manuel Barroso, Juncker se jisħaq dwar l-importanza tal-għaqda fit-tisħiħ tal-proġett Ewropew u fid-direzzjonijiet il-ġodda li se tkun qed tieħu l-UE.
![](http://www.alfredsant.eu/wp-content/uploads/2017/09/eu-building-300x300.jpg)
L-GĦAQDA POLITIKA: IS-SITT XENARJU TAL-UNJONI EWROPEA
Read More
![](http://www.alfredsant.eu/wp-content/uploads/2017/09/0003_junker-300x300.jpg)
BREXIT – “ L-EWWEL ID-DIVORZJU MBAGĦAD IL-KUMMERĊ
Read More
![](http://www.alfredsant.eu/wp-content/uploads/2017/09/donald-tusk-img-300x300.jpg)
21 MPE BLA RISPOSTA
Read More
![](http://www.alfredsant.eu/wp-content/uploads/2017/09/0006_Angela-Merkel-300x300.jpg)
MERKEL FUQ QUDDIEM
Read More
![](http://www.alfredsant.eu/wp-content/uploads/2017/09/0000_warsaw-300x300.jpg)
IL-POLONJA TIRREŻISTI R-RILOKAZZJONI TAL-IMMIGRANTI
Read More
![](http://www.alfredsant.eu/wp-content/uploads/2017/09/immigrants-desert-300x300.jpg)
BIEX JONQSU L-IMWIET FID-DEŻERT U FIL-MEDITERRAN
Read More
![](http://www.alfredsant.eu/wp-content/uploads/2017/09/0004_European-Central-Bank-300x300.jpg)
MHUX SE JINXTRAW AKTAR ĊEDOLI TAL-GVERNIJIET
Read More
![](http://www.alfredsant.eu/wp-content/uploads/2017/09/bucarest-300x300.jpg)
IR-RUMANIJA FIŻ-ŻONA EWRO FL-2022
Read More
Post a comment