“MALTA GĦANDHA BŻONNOK”

“Malta għandha bżonn lil Alfred Sant.  Alfred għandu l-esperjenza,  dik it-tip ta’ viżjoni li fil-Parlament Ewropew u f’kull post iġib miegħu kull bniedem ta’ esperjenza b’viżjoni tant kbira. Ħassejt li kelli noħroġ rasi u nitolbu pubblikament biex jagħmel dan il-pass. Kieku kellu jirtira nemmen li kien jitlef ħafna l-partit u jitlef ħafna l-pajjiż. Nemmen li x-xogħol tiegħu fil-Parlament Ewropew se jibqa’ jkun imprezzabbli f’isem pajjiżna. Alfred ma għandu bżonn lil ħadd biex jitkellem dwar il-kwalitajiet tiegħu. Ngħid biss li ftit tax-xhur ilu tani battikata kbira biex nikkonvinċih biex joħroġ. Nirringrazzja lil dawk kollha li għenuni biex nagħmel dan.”

Hekk qal il-Prim Ministru Joseph Muscat lil Alfred Sant waqt it-tnedija uffiċċjali tal-kampanja tiegħu FIDUĊJA F’MALTA – GĦAL EWROPA SOĊJALI.

“Nirringrazzja lil Alfred tal-ħidma siekta u bla waqfien fil-Parlament Ewropew. Jien naf l-interventi li jagħmel Alfred biex jiddefendi lil Malta, biex iddefenda lili personalment, biex iddefenda lil Partit Laburista , u lil Malta fuq kollox.”

Il-Prim Ministru qal li l-ħidma fis-skiet ta’ Alfred hija importanti meta s-Soċjalisti u Demokratiċi fl-Ewropa mhux jattiraw l-appoġġ tan-nies, minkejja li għandna problemi li ħoloq ħaddieħor.

“Alfred jipprova jġib f’sensihom dawk l-elementi biex is-Soċjalisti Ewropej ma jinqatgħux minn man-nies, anzi jgħidilhom biex jitkellmu fuq dak li jħossu n-nies sabiex nagħmlu d-differenza. Jien minn hawnhekk nawguralu minn qalbi.”

“Nawguralek ħafna snin oħra ta’ ħidma – Malta għandha bżonnok.” qal Joseph Muscat.