Madwar l-Ewropa qed jiżdied il-qbil dwar miżuri kontra l-kompetizzjoni fil-politika ta’ tassazzjoni bejn l-istati membri tal-UE biex tkun skoraġġuta l-evażjoni tat-taxxa. Dan qalu Alfred Sant meta tkellem dwar l-isfidi li se jkollha Malta fix-xhur u s-snin u ġejjin waqt diskussjoni dwar it-tmexxija taż-żona Ewro f’Dar l-Ewropa fil-Belt Valletta.
“Dan żgur mhux se jkun fl-interess ta’ stati membri żgħar bħall-Irlanda u bħal Malta li sa issa għandhom kontroll fuq is-sovranita` fil-politika ta’ tassazzjoni. Il-kompetizzjoni fil-politika ta’ tassazzjoni hija l-unika għodda ta’ pajjiżi żgħar bħal tagħna biex ipattu għall-iżvantaġġi li għandhom vis-a-vis stati membri kbar tal-kontinent Ewropew bħall-Ġermanja u Franza. L-akbar sfida ta’ Malta fix-xhur u fis-snin li ġejjin hija kif tirrikonċilja l-ġlieda kontra l-ħasil tal-flus u l-evitar tat-taxxa mal-bżonn ta’ flessibilita` fit-tassazzjoni biex nibqgħu kompetittivi.”
L-MEP Malti qal li fl-Ewropa bħalissa hemm żewġ kurrenti ta’ ħsieb politiku. Il-Ġermanja titkellem favur il-kunċett ta’ Ewropa federali b’regoli li jkunu jgħoddu għall-istati membri kollha l-istess. Hemm stati membri oħra li jinsistu li għandu jkollna Ewropa tan-nazzjonijiet. Fuq dan il-ħsieb qed jirkbu l-movimenti populisti, l-aktar fl-Italja u fi Franza, li qegħdin jinsistu li jkollna Ewropa tan-nazzjonijiet u mhux Ewropa federali.
Dr Sant qal li l-akbar theddida għaż-żona ewro bħalissa ġejja mill-inkwiet soċjali fl-Ewropa li baqa’ jtektek u jitqal.
![](http://www.alfredsant.eu/wp-content/uploads/2019/01/0004_DSC_5614-300x300.jpg)
TA’ DETRIMENT GĦAL MALTA
Read More
![](http://www.alfredsant.eu/wp-content/uploads/2018/07/0000_immigrants-300x300.jpg)
IMMIGRANTI LURA L-LIBJA
Read More
![](http://www.alfredsant.eu/wp-content/uploads/2019/01/0002_rome-300x300.jpg)
L-ITALJA RIESQA LEJN RIĊESSJONI
Read More
![](http://www.alfredsant.eu/wp-content/uploads/2019/01/0000_Jourova-300x300.jpg)
TRATTAMENT SPROPORZJONAT LEJN MALTA
Read More
![](http://www.alfredsant.eu/wp-content/uploads/2019/01/0003_macron-300x300.jpg)
FRANZA U L-ĠERMANJA AKTAR QRIB XULXIN
Read More
![](http://www.alfredsant.eu/wp-content/uploads/2019/01/0006_F-16-300x300.jpg)
JIPPREFERU FIGHTER JETS AMERIKANI
Read More
![](http://www.alfredsant.eu/wp-content/uploads/2019/01/0001_serbia-russia-putin-300x300.jpg)
PUTIN FIS-SERBJA
Read More
![](http://www.alfredsant.eu/wp-content/uploads/2019/01/0005_containers-300x300.jpg)
DEFIĊIT KUMMERĊJALI GĦALL-UE
Read More
Post a comment