F’Riżoluzzjoni dwar il-baġit Ewropew il-Parlament Ewropew qal li mill-2008 sal-2014, in-numru ta’ individwi fl-UE li huma f’riskju ta’ faqar u esklużjoni soċjali tela’ b’4.2 miljun għal total ta’ aktar minn 22 miljun ruħ (22.3%). Ir-Riżoluzzjoni tisħaq biex l-istati membri u l-Kummissjoni Ewropea jagħmlu aktar sforz biex jitnaqqsu l-faqar, l-esklużjoni soċjali u l-inugwaljanza. Il-Parlament Ewropew qal li l-Kunsill tal-UE u l-Kummissjoni Ewropea għandhom jipprovaw idaħħlu miżuri li jgħinu biex titnaqqas l-inugwaljanza.
Ivan Korčok, kelliem tal-Presidenza Slovakka qal li l-Kunsill se jippubblika dokument speċjali dwar il-qgħad fost iż-żgħażagħ f’Diċembru. Fid-dibattitu ħa sehem ukoll il-Viċi President tal-Kummissjoni Ewropea Valdis Dombrovskis li tkellem fuq il-politika ekonomika tal-UE li tinkoraġġixxi l-investiment, ir-riformi strutturali u baġits responsabbli.
Alfred Sant, rapporteur f’isem is-Soċjalisti u Demokratiċi fuq dan ir-rapport, waqt id-dibattitu fil-plenarja ta’ Strasburgu qal li l-kompetittivita` tal-ekonomija Ewropea qiegħda fid-dubju, minkejja li beda jidher tkabbir fl-ekonomija. Waqt li qed jonqos il-qgħad u jinħolqu impjiegi ġodda, il-prospetti mhumiex inkoraġġanti, l-aktar għaż-żgħażagħ. Il-pessimiżmu m’għadux daqstant qawwi, imma l-investiment għadu f’livelli baxxi ħafna. Dr Sant qabel mal-enfasi li qed tagħti l-Kummissjoni Ewropea lill-investiment iżda saħaq li l-Kummissjoni Ewropea trid tisħaq aktar dwar investiment pubbliku li jkun iffokat, ippjanat u implimentat aħjar. Ir-rapport ġie approvat b’423 vot favur, 210 kontra u 48 astensjonijiet.
Fl-aħħar snin kien hemm tnaqqis fl-investiment, privat u pubbliku, imqabbel mat-tendenzi ta’ snin imgħoddija. Dan mhux fenomenu fl-Ewropa biss, imma fid-dinja kapitalista. It-tendenza tista’ titreġġa’ lura speċjalment b’investimenti pubbliċi tant meħtieġa biex jinħolqu opportunitajiet ġodda ta’ xogħol għaż-żgħażagħ u biex neqirdu l-faqar li sar sinonimu mal-politika ta’ awsterita` li ħakmet l-Ewropa fl-aħħar snin.
Tista’ ssegwi l-intervent ta’ Dr Sant fuq din il-link
https://www.youtube.com/watch?v=0xGvEjuz4xM
L-UNJONI EWROPEA M’GĦANDHIEX SOLUZZJONIJIET GĦAL GĦAWDEX
Read MoreIL-BAĠITS TA’ 7 PAJJIŻI TAŻ-ŻONA EWRO FIL-MIRA TAL-KUMMISSJONI
Read More22 MILJUN FQIR FL-EWROPA
Read MoreBDEW JINTUŻAW IL-FONDI GĦAR-REFUĠJATI FIT-TURKIJA
Read MoreIL-PROĠETT TA’ DIFIŻA EWROPEW IŻID IX-XETTIĊIŻMU FL-EWROPA
Read MoreL-GĦAJNUNIET LILL-INDUSTRIJI ŻGĦAR U MEDJI JRIDU JITĦADDMU B’MODI AKTAR EFFETTIV
Read MoreTONQOS IL-PRODUZZJONI TAL-INBID EWROPEW
Read MoreL-INĠENJU TAL-AJRU TAL-FUTUR
Read More
Post a comment