2,500 EWROPEW FIS-SIRJA U FL-IRAQ

Madwar 2,500 ċittadin Ewropew qegħdin is-Sirja u l-Iraq. In-numru ta’ ċittadini Ewropej f’dawn il-pajjiżi naqas hekk kif bejn 15% u 20% minnhom mietu waqt il-ġlied. Proporzjon li tilħaq il-35% daħlu lura fl-Ewropa u jistgħu jkunu ta’ theddida għas-sigurta`. Dan ħareġ waqt laqgħa bejn il-Ministri tal-Intern tal-UE mfassla fuq rapport tal-aġenzija Ewropea kontra t-terroriżmu.

Fil-laqgħa ġew diskussi miżuri li jistgħu jittieħdu mill-pajjiżi Ewropej fosthom li jinġabru l-‘fingerprints’ ta’ dawk li rritornaw lura biex ikunu inklużi fid-‘databases’ Ewropej fosthom tax-Schengen u l-Europol. Issemma wkoll id-djalogu mat-Turkija.