AKTAR ŻMIEN GĦALL-KUMPANIJI TAL-ASSIGURAZZJONI

Il-Kumitat tal-Ekonomija u l-Finanzi tal-Parlament Ewropew (ECON) ivvota favur emendi li jitolbu lill-Kummissjoni Ewropea biex tipposponi d-data tal-applikazzjoni tad-Direttiva tal-Assigurazzjoni għall-1 ta’ Ottubru 2018 minflok 23 ta’ Frar 2018 kif diġa` ddeċidiet il-Kummissjoni Ewropea.

L-emendi ddaħħlu mir-Rapporteur Ġermaniż Werner Langen (EPP) wara l-intervent tal-Ewroparlamentari Alfred Sant mal-Kummissjoni Ewropea f’isem ‘L-Assoċjazzjoni Maltija tal-Assigurazzjoni’.

Dr Sant talab lill-Viċi-President tal-Kummissjoni Valdis Dombrovskis biex iressaq id-data għall-implimentazzjoni tad-Direttiva tad-Distribuzzjoni tal-Assigurazzjoni b’sena fuq talba tal-industrija Maltija. Dr Sant saħaq ħafna dwar in-nuqqas ta’ żmien biex issir b’mod xieraq l-implimentazzjoni tal-leġiżlazzjoni tal-Assigurazzjoni. L-iskadenza tat-23 ta’ Frar tolqot ħażin ħafna l-operaturi tal-assigurazzjoni fi stati żgħar tal-UE, inkluż Malta, qal Dr Sant lil Kummissjoni Ewropea.

v