Wara l-ittri li rċieva mingħand l-Ombudsman Ewropew Emily O’Reilly, il-President tal-Kummissjoni Jean Claude Juncker fetaħ investigazzjoni fuq il-predeċessur tiegħu Jose` Manuel Barroso. Barroso daħal fil-mira tal-kritika hekk kif aċċetta kariga għolja fil-Bank Amerikan Goldman Sachs. Barroso se jkun qed jagħti l-pariri lil dan il-Bank Amerikan li se jkollu rwol importanti waqt in-negozjati tal-ħruġ tar-Renju Unit mill-Unjoni Ewropea.
Il-KE se titlob dikjarazzjoni ta’ integrita` u diskrezzjoni mingħand Barroso. Juncker wissa li fil-Kummissjoni Barroso mhux se jintlaqa’ bħala ex-President tal-Kummissjoni, iżda se jintlaqa’ bħal ħaddieħor. Il-laqgħat miegħu se jitniżżlu fir-reġistru għat-trasparenza tal-Kummissjoni.
“It-tħassib dwar l-integrita` tiegħi huwa bla bażi u qed jiddiskrimina kontra tiegħi u Goldman Sachs. Din il-kwistjoni tqanqlet biss għall-fatt li sirt konsulent ta’ Goldman Sachs.” qal Barroso.
Taħt il-kodiċi ta’ etika tal-Kummissjoni, l-ex-Kummissarji huma mitluba jinfurmaw lill-Kummissjoni dwar l-attivitajiet li beħsiebhom jagħmlu sa 18-il xahar wara li jitilqu l-istituzzjoni. il-Kummissjoni se toqgħod fuq ir-rakkomandazzjonijiet tal-Kumitat tal-Etika. Il-Kumitat tal-Etika se jibbaża l-investigazzjonijiet fuq artiklu 245 li jitkellem dwar l-obbligi tal-ex-Kummissarji dwar l-integrita` u d-diskrezzjoni.
Il-Kummissjoni talbet lil Barroso kopja tal-kuntratt tax- xogħol tiegħu biex teżaminah u tara li x-xogħol il-ġdid tal-ex-President tal-Kummissjoni huwa kompatibbli ma’ artiklu 245. F’kas ta’ nuqqasijiet, Barroso jkun f’riskju li jitlef id-dritt għal pensjoni tal-UE.
Ħafna huma tal-fehma li Goldman Sachs għandu responsabbilta` kbira għall-kriżi finanzjarja tal-2008. Dan nissel rabja fost bosta impjegati tal-istituzzjonijiet Ewropej.
L-Ombudsman Ewropew Emily O’Reilly, li laqgħet tajjeb l-inizjattiva ta’ Juncker, ilha x-xhur issejjaħ biex isiru emendi fil-kodiċi tal-etika tal-Kummissjoni.
![](http://www.alfredsant.eu/wp-content/uploads/2016/08/02-300x300.jpg)
TNAX-IL XAHAR DEĊIŻIVI GĦALL-UNJONI EWROPEA
Read More
![](http://www.alfredsant.eu/wp-content/uploads/2016/09/Visegrad1-300x300.jpg)
TAL-VISEGRAD IRIDU SAĦĦA AKBAR GĦALL-PARLAMENTI NAZZJONALI
Read More
![](http://www.alfredsant.eu/wp-content/uploads/2016/09/3-Large-min-300x300.jpg)
L-EWROPA GĦANDHA TIPPROMOVI ĠUSTIZZJA SOĊJALI REALI
Read More
![](http://www.alfredsant.eu/wp-content/uploads/2016/09/theresa-May--300x300.jpg)
ARTIKLU 50 JIĠI ATTIVAT F’JANNAR/FRAR 2017
Read More
![](http://www.alfredsant.eu/wp-content/uploads/2016/09/Beata-Szdylo-300x300.jpg)
BIEX IL-POLONJA SSOLVI L-KRIŻI KOSTITUZZJONALI
Read More
![](http://www.alfredsant.eu/wp-content/uploads/2016/09/barroso-1-300x300.jpg)
BARROSO INVESTIGAT
Read More
![](http://www.alfredsant.eu/wp-content/uploads/2016/09/eu-parliament2-300x300.jpg)
FAVUR IL-PAGA MINIMA GĦALL-EWROPA KOLLHA
Read More
![](http://www.alfredsant.eu/wp-content/uploads/2016/09/octoberfest1-300x300.jpg)
L-OKTOBERFEST MAGĦNA
Read More
Post a comment