Il-Parlament Ewropew esprima t-tħassib dwar il-paraliżi tat-Tribunal Kostituzzjonali fil-Polonja li qed jipperikola d-demokrazija, id-drittijiet fundamentali u l-osservanza tal-liġi. Ir-riżoluzzjoni għaddiet b’510 voti favur, 160 kontra u 29 astensjoni wara li l-Kummissjoni Ewropea qablet li tiftaħ inkjesta dwar ir-riformi fil-Qorti Kostituzzjonali Pollakka. Il-Polonja ntalbet twettaq, fi żmien tliet xhur, ir-rakkomandazzjonijiet tal-Kummissjoni Ewropea u ssib kompromess bejn il-partiti tal-parlament. Ir-riżoluzzjoni tfakkar lill-Polonja li l-Unjoni Ewropea hija bbażata fuq il-valuri li l-poplu Pollakk kien approva fir-referendum tal-2003 u “topera fuq il-fidi reċiproka li l-istati membri jikkonformaw mad-demokrazija, mar-rispett tal-liġijiet u tad-drittijiet fundamentali.”
Il-Parlament Ewropew esprima t-tħassib tiegħu dwar l-iżviluppi ġodda dwar l-imparzjalita` fil-qasam tax-xandir, id-dritt tal-liberta` tal-espressjoni, id-dritt tal-privatezza, id-dritt ta’ smigħ ġust waqt kawża l-qorti, l-imparzjalita` politika fl-amministrazzjoni tal-pajjiż u drittijiet fundamentali oħra li jinkludu d-drittijiet tan-nisa.
L-MPE Malti Alfred Sant, li vvota favur din ir-riżoluzzjoni, esprima r-riservi tiegħu dwarha. Sant qal li mhux konvint li meta l-Parlament Ewropew jiċċensura stati membri, ikun qed juża l-istess metodi. “F’bosta sitwazzjonijiet ta’ kriżijiet nazzjonali, il-konflitti partiġġjani ta’ formazzjonijiet politiċi jistgħu jkunu influwenzati minn strateġiji moħbija. L-analiżi ta’ dan il-Parlament tista’ tkun erratika u kumplessa għax id-deliberazzjonijiet huma influwenzati minn manipulazzjonijiet u kalkoli politiċi estranji għas-sitwazzjoni politika nazzjonali li nippruvaw naslu għal ġudizzju dwarhom. Fil-każ tal-Polonja – għalkemm ideoloġikament ma naqbilx mat-twemmin u l-metodi tal-gvern preżenti, niddubita kemm qed nagħtu piż l-atti anti-demokratiċi tal-gvern preċedenti li wasslu għar-reazzjonijiet sproporzjonati tal-gvern preżenti.”
TNAX-IL XAHAR DEĊIŻIVI GĦALL-UNJONI EWROPEA
Read MoreTAL-VISEGRAD IRIDU SAĦĦA AKBAR GĦALL-PARLAMENTI NAZZJONALI
Read MoreL-EWROPA GĦANDHA TIPPROMOVI ĠUSTIZZJA SOĊJALI REALI
Read MoreARTIKLU 50 JIĠI ATTIVAT F’JANNAR/FRAR 2017
Read MoreBIEX IL-POLONJA SSOLVI L-KRIŻI KOSTITUZZJONALI
Read MoreBARROSO INVESTIGAT
Read MoreFAVUR IL-PAGA MINIMA GĦALL-EWROPA KOLLHA
Read MoreL-OKTOBERFEST MAGĦNA
Read More
Post a comment