BONDS BIEX IĦALLSU D-DJUN

Mill-2009 ’l hawn il-kumpaniji l-kbar mhux qed jiksbu ħafna mis-self tagħhom mill-banek Ewropej. Allura minn fejn qed iġibu l-flus u x’qed jagħmlu bih? Skont l-Istitut tal-Finanzi Internazzjonali bil-ħruġ tal-bonds il-kumpaniji l-kbar qed itellgħu s-somom ta’ flus li jiġu bżonn. L-Istitut qal li fl-Istati Uniti nħarġu $780 biljun dollaru f’bonds kull sena mill-2012 lil hawn. Il-kumpaniji Ewropej ħarġu bonds b’valur li jilħaq terz ta’ din iċ-ċifra.

Bil-flus li qed jiksbu bil-ħruġ tal-bonds il-kumpaniji qed iħallsu d-djun u d-dividends. Persentaġġ żgħir biss ta’ dawn il-flejjes verament qed imur f’investimenti ġodda li jagħtu spinta lil ekonomija. L-Istitut tal-Finanzi Internazzjonali qal li 3% fl-Istati Uniti u 6% fl-Ewropa biss imorru għal dan il-għan.