Aktar minn 1.4 miljun ruħ b’dixxendenza Torka huma eleġibbli biex jivvotaw fil-Ġermanja għal referendum Tork bejn is-27 ta’ Marzu u d-9 ta’ April fil-konsulati Torok madwar il-pajjiż. L-ammont ta’ Torok eleġibbli għal vot fl-UE kollha huwa stmat li jlaħħaq it-2.5 miljun ruħ. It-Torok qed jivvotaw għal referendum kostituzzjonali li jżid il-poter tal-President Tork Recep Tayyip Erdoğan. Dan minkejja l-battibekki diplomatiċi bejn Ankara u numru ta’ bliet kapitali Ewropej.
Il-Gvern Tork ħassar il-meetings kollha li ppjana fil-Ġermanja sa ma jasal ir-referendum kostituzzjonali tas-16 ta’ April minħabba oġġezzjonijiet Ġermaniżi. Erdoğan sejjaħ dan l-aġir ‘Nażista’.
IVA fir-referendum, skont Erdoğan, ifisser aktar sigurta` u stabilita`. Il-mexxejja tal-oppożizzjoni jgħidu li IVA tfisser theddida għad-demokrazija, bidla politika radikali favur stil ta’ tmexxija awtoritarja. Qed ikun propost tibdil minn mudell parlamentari, kif għandna f’Malta, għal sistema presidenzjali, kif inhuma l-Istati Uniti. Dan jagħti aktar poter eżekuttiv lil Erdoğan u jnaqqas sewwa s-saħħa tal-parlament Tork.
Il-President Tork għandu rwol purament ċeremonjali, bis-saħħa eżekuttiva f’idejn il-Prim Ministru. Fl-2014 Erdoğan ġie elett President, wessa l-limiti kostituzzjonali, u effettivament sar imexxi l-pajjiż. Wara l-attentat kolp ta’ stat tas-sajf li għadda, dikjarazzjoni ta’ Stat ta’ Emerġenza tatu dan il-poter b’mod temporanju. Bil-kostituzzjoni l-ġdida li jġib ir-referendum, it-tmexxija tal-pajjiż tibqa’ f’idu b’mod permanenti.
Stħarriġ tal-opinjoni pubblika jindika riżultat viċin ħafna, bil-le li jirbaħ bi ftit voti.
PARTNERSHIP
Read MoreIT-TOROK JIVVOTAW FIL-ĠERMANJA
Read MoreL-ISVEZJA TĦEJJI GĦALL-ĦOFRA TAL-BREXIT
Read MoreINFORMAZZJONI DWAR IS-SAJD TINTUŻA KONTRA L-INTERESSI TAS-SAJJIEDA TRADIZZJONALI MALTIN
Read MoreBONDS BIEX IĦALLSU D-DJUN
Read MoreL-AKBAR KUMMERĊ MAĊ-ĊINA U L-ISTATI UNITI
Read MoreVJAĠĠI GĦAL ŻGĦAŻAGĦ FIL-PERIFERIJA TAL-EWROPA
Read MoreVISA BIEX TIDĦOL L-ISTATI UNITI
Read More
Post a comment