BREXIT bdiet issir realta`. Il-Prim Ministru Ingliża Theresa May għaddiet il-karti tad-divorzju lill-President tal-Kunsill Ewropew Donald Tusk. May kienet ċara ħafna dwar l-aspettattivi ta’ Londra min-negozjati għall-ħruġ tar-Renju Unit mill-UE: Partnership speċjali u profonda bejn ir-Renju Unit u l-UE dwar kooperazzjoni fl-oqsma ekonomiċi u tas-sigurta`. Iridu jkunu determinati d-drittijiet u d-dmirijiet ta’ pajjiżha fl-ispirtu tat-tkomplija tal-Partnership mal-UE.
“Ir-Renju Unit issa qiegħed fuq in-naħa l-oħra tal-mejda tan-negozjati”, qal Donald Tusk, waqt li esprima d-dieqa tiegħu għad-deċiżjoni ta’ May li tattiva Artiklu 50 biex pajjiżha joħroġ mill-UE.
Il-Kunsill Ewropew stqarr li l-UE27 kienet sogħbiena bl-attivazzjoni ta’ Artiklu 50, iżda tinsab lesta tinnegozja mar-Renju Unit. L-ewwel stadju huma linji gwida għat-taħditiet f’Summit speċjali tal-BREXIT għad-29 ta’ April. L-UE se tqis bħala prijorita` 3.2 miljun ċittadin minn stati membri tal-UE li jgħixu fir-Renju Unit. Trid tinsab soluzzjoni dwar l-impjegati taċ-Ċivil li jaħdmu fl-istituzzjonijiet Ewropej. Il-futur tal-Irlanda ta’ Fuq irid jiġi deċiż malajr. Il-ħruġ tar-Renju Unit mistenni jiswa €60 miljun, figura li Londra mistennija tkun qed tevita li tittieħed deċiżjoni malajr dwarha.
Il-Kunsill Ewropew qal li t-taħditiet se jsiru b’mod kostruttiv u se jsir sforz biex jintlaħaq ftehim. Il-KE tittama li r-Renju Unit jibqa’ sieħeb mill-qrib tal-UE. Nuqqas ta’ ftehim ikun diżastru, wissa Antonio Tajani, President tal-Parlament Ewropew.
PARTNERSHIP
Read MoreIT-TOROK JIVVOTAW FIL-ĠERMANJA
Read MoreL-ISVEZJA TĦEJJI GĦALL-ĦOFRA TAL-BREXIT
Read MoreINFORMAZZJONI DWAR IS-SAJD TINTUŻA KONTRA L-INTERESSI TAS-SAJJIEDA TRADIZZJONALI MALTIN
Read MoreBONDS BIEX IĦALLSU D-DJUN
Read MoreL-AKBAR KUMMERĊ MAĊ-ĊINA U L-ISTATI UNITI
Read MoreVJAĠĠI GĦAL ŻGĦAŻAGĦ FIL-PERIFERIJA TAL-EWROPA
Read MoreVISA BIEX TIDĦOL L-ISTATI UNITI
Read More
Post a comment