CORBYN: IL-LABOUR JERĠA’ JGĦAQQAD IL-BRITTANIĊI

Jeremy Corbyn qal li l-labour Ingliż huwa l-uniku partit li jerġa’ jgħaqqad lil Brittaniċi. Waqt li nieda l-kampanja tal-partit tiegħu għall-elezzjonijiet Ewropej Corbyn kien vag dwar il-possibilita` tat-tieni referendum.

“Aktar minn 17-il miljun ruħ ivvotaw biex joħorġu mill-UE, u bħala soċjalisti demokratiċi ma nistgħux ninjorawh dan. Imma ma nistgħux naċċettaw il-mod kif il-Gvern qed jinnegozja l-Brexit.”

Il-mexxej laburista Ingliż qal li mhux beħsiebu jkollu taħdidiet ma’ Theresa May għal xi tip ta’ ftehim dwar in-negozjati tal-Brexit.

L-Uffiċċjali tal-partit qed jaħsbu li l-Labour Ingliż qed jitlef il-voti ta’ dawk li jridu jibqgħu membri fl-Unjoni Ewropea u qed jistennew li l-partit ma jmurx tajjeb fl-elezzjonijiet.

Il-partit ta’ Nigel Farage – ewlieni fil-kampanja kontra l-Brexit mistenni li jġib l-aktar voti fl-elezzjonijiet Ewropej tal-24 ta’ Mejju.

Il-Partit tal-Konservattivi ta’ Theresa May mistenni jiġi fis-sitt post fl-elezzjonijiet li jfisser riżultat medjokri ta’ inqas minn 10% tal-voti.