L-istokks tal-ħut fil-Mediterran qed jonqsu b’rata allarmanti – aktar minn 90% ta’ dawk li ġew assessjati huma esplojtati, b’uħud minnhom f’xifer kollass. Dan qed iwassal għal telf ta’ impjiegi u dħul u qed iħalli impatt ambjentali. Minħabba tmexxija ħażina f’dan il-qasam, s-soċjeta` qed tbati l-konsegwenzi. Is-sajjieda tradizzjonali, li jaħdmu fuq skala żgħira u li jirrappreżentaw 83% tas-sajjieda fil-Mediterran, huma l-aktar li qed jintlaqtu ħażin.
Il-Parlament Ewropew ivvota favur rapport li jsejjaħ għall-azzjoni urġenti u koordinata ma’ dawk kollha involuti fis-settur. Ir-rapport isejjaħ għall-azzjoni soċjo-ekonomika bbażata fuq ix-xjenza li tirrispetta u tinforza l-miri u l-miżuri tal-Politika Komuni tas-Sajd tal-UE.
Ir-rapport jirreferi għall-ħtieġa ta’ titjib fl-assessjar tal-istokks (ġbir ta’ informazzjoni, analiżi, suġġerimenti favur ‘database’ komuni). Isemmi titjib fil-kontroll u s-sorveljanza, u t-tisħiħ tal-kooperazzjoni fost il-pajjiżi tal-Mediterran (kemm tal-Unjoni u kemm dawk mhux fl-Unjoni) u l-indirizzar tas-sajd illegali mhux rapportat u mhux regolat.
Imsemmija speċifikament is-sajjieda tradizzjonali u l-ħtieġa li jingħataw trattament preferenzjali u garanzija ta’ dħul bażiku waqt ‘perjodi ta’ mistrieħ bijoloġiku’. Ir-rapport jirreferi wkoll għall-ħtieġa li jkunu involuti aktar is-sajjieda fil-proċess ta’ teħid tad-deċiżjonijiet. Jitratta wkoll l-fattur ta’ terzi pajjiżi u l-impatt li għandhom sajjieda mill-pajjiżi mhux tal-UE fuq is-sajd fil-Mediterran.
Alfred Sant ivvota favur ir-riżoluzzjoni u qal li hemm raġunijiet ekonomiċi b’saħħithom biex jiġu mħarsa s-sajjieda tradizzjonali. L-MPE Malti qal li s-sajjieda tradizzjonali ma jistgħux jibqgħu jiġu injorati u saħaq li s-sajd tradizzjonali jrid ikun ippreżervat u megħjun bl-istess mod kif isir għall-istokks tal-ħut.
MALTA U L-BREXIT
Read MoreSPINTA LILL-POLITIKA EWROPEA TA’ DIFIŻA
Read MoreIL-ĠERMANJA FAVUR AKTAR GĦAQDA EKONOMIKA U MONETARJA
Read MoreF’SENTEJN JIRDOPPJAW L-ARRESTI TAL-ĠIĦADISTI
Read MoreIS-SANZJONIJIET RUSSI ESTIŻI SA ĠUNJU 2018
Read MoreGĦANDHOM JITĦARSU D-DRITTIJIET SOĊJALI FL-EWROPA
Read MoreL-IMF OTTIMISTA DWAR IŻ-ŻONA EWRO
Read MoreF’RISKJU L-ISTOKKS TAL-ĦUT FIL-MEDITERRAN
Read More
Post a comment