Nhar il-Ġimgħa Alfred Sant se jkun il-kelliem ewlieni f’Konferenza dwar MALTA U L-BREXIT f’Birżebbuġa. Din il-Konferenza se ssir wara li l-ġimgħa l-oħra bdew formalment in-negozjati tal-Brexit. Dawn fetħu wara l-elezzjonijiet fir-Renju Unit li ħallew lil Theresa May mingħajr maġġoranza fil-Parlament. Ħafna interpretaw ir-riżultat tal-elezzjonijiet tar-Renju Unit bħala turija li l-poplu jrid ‘soft’ Brexit biex ir-Renju Unit tkun aktar qrib l-Unjoni Ewropea anki jekk ma tibqax membru sħiħ.

Iżda in-negozjatur għall-UE Michel Barnier qal li ma jafx xi jfisser ‘hard’ jew ‘soft’ Brexit. ‘Brexit ifisser li r-Renju Unit se jirtira mill-UE. Ir-Renju Unit iddeċidietu dan. Aħna qed nimplimentawh. L-għażliet kollha għadhom miftuħin, inkluż dik li ma jkunx hemm ftehim.” qal Barnier.

Ir-Renju Unit il-ġimgħa l-oħra għamel il-proposti tiegħu dwar id-dritt taċ-ċittadini Ewropej li jgħixu fir-Renju Unit. Il-President tal-Kunsill tal-Unjoni Ewropea qal li dawn ma laħqux l-aspettattivi tal-UE għax inaqqsu mid-drittijiet tal-Ewropej li jgħixu fir-Renju Unit. Fil-Parlament Britanniku May qalet lit-tliet miljun Ewropew li jgħixu f’pajjiżha li r-Renju Unit iridhom jibqgħu jgħixu hemm anki wara l-Brexit, li fit-teorija għandu jkun lest f’Marzu tal-2019.

Il-Maltin u l-Għawdxin, bħal ċittadini oħra tal-UE, qed jibdew jistaqsu kif se jintlaqtu bil-ħruġ tar-Renju Unit mill-UE. Kif se jintlaqtu dawk il-Maltin li jgħixu fir-Renju Unit? Kif se tintlaqat l-industrija tat-turiżmu? X’effett jista’ jkun hemm fuq is-settur tas-servizzi finanzjarji? Kif se jintlaqtu l-ekonomija u l-kummerċ? Dawn huma kollha mistoqsijiet li jibdew jiġu indirizzati fil-ġimgħat u x-xhur li ġejjin. Kif mistenni n-negozjati tal-Brexit se jkunu diffiċli ħafna. Għadna fil-bidu u l-kbir għadu ġej, u diġa` bdejna naraw messaġġi konflinġenti ħerġin min-naħa Ewropea u min-naħa Britannika.

MALTA U L-BREXIT

Nhar il-Ġimgħa Alfred Sant se jkun il-kelliem ewlieni f’Konferenza dwar MALTA U L-BREXIT f’Birżebbuġa. Din il-Konferenza se ssir wara li ...
Read More

SPINTA LILL-POLITIKA EWROPEA TA’ DIFIŻA

L-UE qablet li tagħti spinta lill-ħolqien ta’ Ewropa ta’ Difiża bi Struttura Permanenti ta’ Kooperazzjoni  (PESCO). L-istati membri għandhom tliet ...
Read More

IL-ĠERMANJA FAVUR AKTAR GĦAQDA EKONOMIKA U MONETARJA

Il-Kanċilliera Ġermaniża Angela Merkel appoġġjat l-ideat tal-President Franċiż Emmanuel Macron dwar aktar għaqda ekonomika u monetarja. Dan jinkludi l-ħolqien ta’ ...
Read More

F’SENTEJN JIRDOPPJAW L-ARRESTI TAL-ĠIĦADISTI

F’sentejn irdoppjaw l-arresti marbuta mat-terroriżmu ġiħadista fl-Ewropa. Dan kien żvelat minn rapport tal-Aġenzija tal-Pulizija Ewropea Europol. Fl-2016, 718 persuna ġew ...
Read More

IS-SANZJONIJIET RUSSI ESTIŻI SA ĠUNJU 2018

Il-mexxejja tal-pajjiżi Ewropej reġgħu qablu biex jestendu s-sanzjonijiet fuq ir-Russja minħabba l-kriżi fil-Lvant tal-Ukraina, l-anniħilazzjoni tal-Krimea u n-nuqqas ta’ implimentazzjoni ...
Read More

GĦANDHOM JITĦARSU D-DRITTIJIET SOĊJALI FL-EWROPA

L-UE ma tistax tnaqqas il-livell tal-kundizzjonijiet soċjali tal-ħaddiema madwar l-Ewropa biex tiżdied il-kompetittivita` u t-tkabbir ekonomiku.  Alfred Sant qal lill-Parlament ...
Read More

L-IMF OTTIMISTA DWAR IŻ-ŻONA EWRO

Id-direttriċi tal-Fond Monetarju Internazzjonali (IMF) Christine Lagarde uriet l-ottimiżu tagħha, minkejja xi diffikultajiet dwar is-sitwazzjoni ekonomika taż-żona ewro, meta ppreżentat ...
Read More

F’RISKJU L-ISTOKKS TAL-ĦUT FIL-MEDITERRAN

L-istokks tal-ħut fil-Mediterran qed jonqsu b’rata allarmanti – aktar minn 90% ta’ dawk li ġew assessjati huma esplojtati, b’uħud minnhom ...
Read More

Facebook Comments

Post a comment