Malta jixirqilha għajnuna finanzjarja ġdida mill-UE minħabba l-pożizzjoni ġeografika tagħha fil-periferija tal-Ewropa biex tagħmel tajjeb għal telf ta’ fondi li jista’ jkun hemm mill-Fondi ta’ Koeżjoni fil-Budget il-ġdid tal-UE bejn 2020-2027. Dan qalu Alfred Sant, Kap tad-Delegazzjoni Laburista fil-Parlament f’laqgħa pubblika fiż-Żejtun dwar is-sehem ta’ Malta mill-Budget tal-UE bejn 2020-2027.
Bil-ħruġ tar-Renju Unit mill-UE se jonqos il-kontribut ta’ dan il-pajjiż għall-Budget Ewropew u l-KE qed tipproponi li jonqos il-Budget fuq l-Agrikoltura u l-Fondi għal proġetti ġodda.
“Il-problemi tal-immigrazzjoni mil-Lvant u mill-Afrika ta’ Fuq se jżidu l-piż biex l-UE tħares il-fruntieri tagħha. Dan apparti l-fatt li l-UE trid tiddetermina kif tiddefendi l-fruntieri tal-baħar bejn l-Afrika u l-kontinent. L-UE trid toħloq investimenti ġodda fil-pajjiżi Afrikani. L-UE trid iżżid l-infieq fuq id-difiża u s-sigurta` għax l-Ewropa fehmet li ma tistax tistrieħ aktar fuq l-Istati Uniti. Il-ħatra ta’ Trump żiedet l-inċertezza tal-UE fuq l-Istati Uniti li qed jagħmilha ċara li l-Ewropa għandha toħroġ sehemha għad-difiża u ma tistrieħx biss fuq in-NATO.”
Dr Sant qal li l-UE qed tikkonsidra taxxi ġodda fuq bażi Ewropea.
“Issa qed tissemma t-taxxi fuq il-plastik, taxxi fuq is-servizzi finanzjarji, taxxi komuni fuq l-ekonomiji tal-istati membri kollha tal-UE.”
Il-kontribut ta’ Malta għall-Budget Ewropew żdied sew minħabba l-espansjoni ekonomika tremenda tal-aħħar snin u ibbenefikat l-aktar mill-Fondi tal-Koeżjoni fi proġetti ta’ toroq, enerġija, edukazzjoni, industrija.
IL-PRESIDENZA AWSTRIJAKA : ‘EWROPA LI TIPPROTEĠI’
Read More
DIL-ĠIMGĦA S-SUMMIT EWROPEW
Read More
MOBBILTA` MILITARI MILL-ISTATI MEMBRI TAL-UE
Read More
AKTAR DROGI FL-EWROPA
Read More
GĦAJNUNA MILL-UE MINĦABBA L-POŻIZZJONI ĠEOGRAFIKA TA’ MALTA
Read More
L-EWRO INDISPENSABBLI GĦAS-SUQ UNIKU
Read More
IS-SAJD RIKREATTIV TAĦT IL-LENTI EWROPEA
Read More
JASLU AKTAR IMMIGRANTI FIL-BALKANI
Read More
Post a comment