MOBBILTA` MILITARI MILL-ISTATI MEMBRI TAL-UE

L-istati membri tal-UE ġew mistiedna jieħdu l-miżuri fuq livell nazzjonali biex itejbu l-effettivita` tal-mobbilta` militari fi ħdan l-UE. Dawn il-miżuri għandhom jittieħdu malajr kemm jista’ jkun imma aktar tard minn 2024.

Hija x-xewqa tal-Kunsill Ewropew li l-ewwel miżuri jkunu effettivi sal-aħħar tas-sena d-dieħla.

“Dawn il-miżuri għandhom jingħataw prijorita` mill-istati membri”, qal il-Kunsill Ewropew.

L-istati membri qed jintalbu jgħaġġlu l-proċeduri biex jiffaċilitaw il-qsim tal-fruntieri biex kull talba għal awtorizzazzjoni ta’ qsim minn fruntiera għal oħra għal attivitajiet ta’ rutina  tintlaqa’ fi żmien ħamest ijiem. L-istess se jgħodd għal movimenti, fuq l-art, fl-ajru u minn fuq il-baħar.

L-istati membri tal-UE qed jintalbu jgħaġġlu l-proċess ta’ kommunikazzjoni u joħolqu networks  b’‘contact points’ li jgħaġġlu t-talbiet għal movimenti bejn il-fruntieri.

Il-Kunsill qed jitlob aktar prattika ta’ eżerċizzji nazzjonali u multinazzjonali li jinkludu movimenti tat-truppi li se jitħabbru dalwaqt.

Il-Kunsill Ewropew se jeżamina l-progress li jkun sar sas-sena 2009.

F’laqgħa li kellu mal-Kunsill Ewropew, is-Segretarju Ġenerali tan-NATO Jens Stoltenberg qal li l-mobbilta` militari hija qasam importanti għal kooperazzjoni bejn l-UE u n-NATO li nefqet €2 biljun f’dal-qasam fl-aħħar erba’ snin.