Alfred Sant qal lill-Parlament Ewropew li r-regoli taż-żona ewro awtomatikament jagħtu vantaġġ lill-pajjiżi l-aktar b’saħħithom tal-UE bi skaptu tal-pajjiżi inqas b’saħħithom. Il-problema fundamentali taż-żona ewro hija n-nuqqas ta’ rieda politika li l-ewwel nett jingħarfu li qed jiżdiedu d-diverġenzi, imbagħad li dawn jiġu kkoreġuti bi ftehim politiku ġdid. Dr Sant qal dan waqt l-ispjega tal-vot tiegħu kontra r-rapport “Il-Futur tal-UE – Kapaċita` Baġitarja Għaż-Żona Ewro”. Ir-rapport ma għamel ebda riferenza favur rieda politika ġdida favur it-tneħħija tad-diverġenzi ekonomiċi eżistenti bejn iċ-ċentru tal-Ewropa u l-pajjiżi fil-periferija.
Il-problema fundamentali, qal Dr Sant, mhux il-qafas taż-żona ewro, anki jekk dan xorta waħda għandu jiġi kkunsidrat. Id-diverġenzi bejn il-pajjiżi l-kbar tal-Ewro u l-pajjiżi fil-periferija tal-Ewropa qed ikomplu jikbru minħabba żvilupp mgħaġġel wisq u strett tal-proġett tal-ewro. L-iżvilupp qed jirkeb fuq dahar is-‘soft power’ tal-Unjoni u ma jikkunsidrax l-impatt tal-globalizzazzjoni. Dr Sant qal li sitwazzjoni bħal din tista’ tiġi kkoreġuta biss b’azzjoni politika u mhux permezz ta’ regoli ġodda fis-sistema.
“Għandi kull rispett lejn il-kompetenzi u d-dedikazzjoni tar-‘rapporteurs’, iżda l-proposti tagħhom huma politikament prematuri. Dawn se jservu biex iżidu d-diverġenzi u mhux biex inaqqsuhom. Qed inpoġġu l-karru qabel il-bhima. Ma nistax naqbel ma’ dan!.” qal Dr Sant.
Wara d-dibattitu dwar il-kapaċita` baġitarja għaż-żona ewro ttieħed vot li għadda b’340 vot favur, 255 kontra u 68 astenzjoni.
ILMA FUQ IL-ĠAMAR
Read More
TKABBIR EKONOMIKU POŻITTIV FL-2017
Read More
TRID TKUN IMĦARSA IS-SOVRANITA` TAL-ISTATI MEMBRI FIT-TASSAZZJONI
Read More
IL-ĠERMANJA, L-ITALJA U FRANZA JRIDU PROTEZZJONI MILL-INVESTIMENT BARRANI
Read More
ID-DIVERĠENZI BEJN IL-KBAR U Ż-ŻGĦAR QED JIŻDIEDU
Read More
ĦIDMA DIPLOMATIKA MAL-ALĠERIJA U MAL-MAROKK
Read More
FAVUR FTUĦ TAN-NEGOZJATI TA’ SĦUBIJA GĦALL-ALBANIJA
Read More
AKTAR MINN SENTEJN GĦAD-DIVORZJU MAR-RENJU UNIT
Read More
Post a comment