IŻ-ŻGĦAR JAPPOĠĠJAW LIL MERKEL

 

Stħarriġ fost l-opinjoni pubblika juri li dawk li se jivvotaw l-ewwel darba fil-Ġermanja huma favur il-Kanċilliera Angela Merkel. Merkel għadha popolari b’appoġġ ta’ 43%  filwaqt li l-kandidat taċ-ċentru-lemin Martin Schulz (SPD) għandu appoġġ ta’ 32%. L-appoġġ għal Merkel jogħla għal 47% fost dawk li għandhom bejn it-18-21 sena. L-appoġġ għal Schulz jonqos għal 29% fost il-popolazzjoni ta’ din l-eta`. Iż-żgħażagħ Ġermaniżi trabbew b’Angela Merkel, jafuha u jivvotawlha għax iridu l-istabilita` fi żminijiet inċerti.

Il-Konservattiva Merkel kienet fil-mira tal-kritika meta fetħet il-bibien beraħ għall-immigranti u laqgħet mal-miljun refuġjat. Dan l-aħħar saret aktar iebsa fil-politika tal-immigrazzjoni tagħha.

Kemm Merkel u kemm Schulz qed jittamaw li jifformaw gvern mal-partiti ż-żgħar, iżda l-istħarriġ pubbliku jissuġġerixxi ‘koalizzjoni kbira’ bejn iż-żewġ partiti tagħhom.