It-Turkija kitbet kapitlu ġdid fl-istorja tagħha bir-Referendum li approva bidliet kostituzzjonali li jagħtu poteri ġodda lill-President, Recep Tayipp Erdoğan, seklu wara li Ataturk waqqaf Repubblika fuq l-irmied tal-Imperu Ottoman.
Ir-reazzjonijiet fl-Ewropa kienu kawti, b’kuntrast ma’ Trump li feraħ lil Erdoğan għar-rebħa tiegħu.
Il-Kanċillier Awstrijakk Christian Kern kien l-aktar voċiferu meta qal li l-UE għandha ttemm it-taħditiet dwar is-sħubija tat-Turkija fl-UE. Pront wieġeb Erdoğan : “Ilna 54 nistennew fuq l-għatba tal-UE. Issa npoġġu bil-qiegħda u nitkellmu u anke nistgħu nagħmlu Referendum dwar is-sħubija ta’ pajjiżna fl-UE. Ma jinteressanix x’taħseb l-UE, x’jaħsbu George, Hans u Helga. Li jgħodd għalina x’jaħsbu Ayse, Murat, Mehmet, Hatice”.
Erdoğan reġa’ wissa li jista’ jagħmel Referendum fuq il-piena tal-mewt, deċiżjoni li tkun tfisser it-tmiem immedjat tad-diskussjonijiet dwar sħubija. Fi Brussell, Pariġi u Berlin intqal li dan itemm kull prospett ta’ ftehim mal-UE. It-Turkija kienet neħħiet il-piena tal-mewt fl-2004 biex setgħet tiddiskuti s-sħubija tagħha fl-UE.
Ir-relazzjonijiet bejn l-Ewropa u t-Turkija jistgħu jmorru għall-agħar fi żmien li l-ftehim dwar ir-rifuġjati huwa kruċjali għall-kontinent Ewropew. It-Turkija ilha tikkritika lill-UE li qed tkaxkar saqajha dwar il-ftehim ta’ Marzu 2016 dwar l-immigrazzjoni. Minn €3 biljun imwegħda, s’issa ġew allokati biss €750 miljun għall-ħarsien tar-refuġjati fit-Turkija.
Kien x’kien ir-riżultat tar-Referendum, l-UE ma tistax tinjora l-importanza ta’ relazzjonijiet mill-qrib mat-Turkija. Kemm jekk it-Turkija tibqa’ tgħożż il-valuri Repubblikani ta’ Ataturk, kemm jekk tmur lura għaż-żmien is-Sultanat Tork ta’ aktar minn mitt sena ilu.
MAY TFITTEX MANDAT B’SAĦĦTU
Read MoreKAPITLU ĠDID FIT-TURKIJA
Read MoreIT-TELLIEQA FRANĊIŻA
Read MoreIŻ-ŻGĦAR JAPPOĠĠJAW LIL MERKEL
Read MoreTAS-SUD IRIDU AKTAR KOEŻJONI SOĊJALI U EKONOMIKA
Read MoreIL-KRIMINALITA` ONLINE PRIJORITA` GĦALL-KUMMISSJONI EWROPEA
Read MoreMANIFATTURA U SERVIZZI B’SAĦĦITHOM FIR-RENJU UNIT
Read MoreM’HEMMX UNJONI EWROPEA MINGĦAJR DIMENSJONI SOĊJALI
Read More
Post a comment