M’HEMM ĦADD BĦAL ROBERT SCHUMAN FOST IL-MEXXEJJA EWROPEJ

Ir-Russja u l-Ewropa għandhom bżonn Robert Schuman ġdid biex jinnormalizza r-relazzjonijiet ta’ bejniethom. Dan qalu Konstantin Kosachev, il-Kap tal-Kumitat tal-Affarijiet Barranin tal-Kunsill tal-Federazzjoni Russa f’Konferenza dwar is-sigurta` f’Munich. Robert Schuman, il-fundatur ta’ dik li llum hija l-UE  f’moħħu kellu l-għan li jnissel il-paċi fl-Ewropa.

“Għandna bżonn Robert Schuman ġdid, li jgħaqqad lil Franza u lil Ġermanja, biex jgħaqqad lil Ewropa. Fil-mexxejja kollha tal-UE bħalissa ma hemm ħadd bħalu”, qal Kosachev.

Konstantin Kosachev ikkritika d-dehra li qed tinfirex dwar ir-Russja u l-UE dwar il-politika tal-viċinat. “Ma naċċettax l-idea li r-Russja qed tħasseb lil ġirien tagħha u l-UE qisha mingħajr tebgħa u delikata. Aħna qegħdin f’kompetizzjoni”, qal Kosachev filwaqt li saħaq li din is-sitwazzjoni ma togħġbu xejn.

Il-Kummissarju  Ewropew tal-Viċinat Johannes Hahn qal li l-UE tixtieq li flimkien mar-Russja ssib oqsma fejn iż-żewġ naħat jistgħu jikkooperaw flimkien ekonomikament.

“Ma aħniex f’kompetizzjoni mar-Russja fil-qasam ekonomiku. Hemm ħafna attivitajiet xi jsiru f’dan il-qasam. Għandhom jiġu eżaminati. Il-bibien huma miftuħin.” qal Johannes Hahn

Hahn qal li l-UE hija interessata f’kull tip ta’ kooperazzjoni u mhux qed tipprova tkabbar it-territorju tagħha iżda qed tipprova tfassal relazzjonijiet tajbin mal-ġirien tagħha.

L-UE implimentat ħafna sanzjonijiet ekonomiċi kontra r-Russja b’rabta mal-kunflitt fl-Ukraina tal-Lvant u l-anniħilazzjoni tal-Krimea.