Aktar minn 50,000 Iżlamist radikali u ġellieda barranin li ġew lura fuq art Ewropea qed iżidu t-tħassib ta’ aktar attentati terroristiċi fil-kontinent. Sentejn ilu, fit-22 ta’ Marzu fi Brussell it-terroriżmu ħalla 32 persuna mejta u aktar minn 300 midruba. Għalkemm l-ISIS qed jitilfu l-art fis-Sirja, ir-radikalizzazzjoni ġiħadista għadha theddida kbira għall-Belġju u għall-Ewropa.
Fil-Belġju biss huwa stmat li jgħixu 2, 000 iżlamist radikali. F’dawn l-aħħar sentejn ittieħdu passi importanti fil-Belġju u fuq livell Ewropew biex tiġi indirizzata l-problema. Aktar miżuri tas-sigurta`, spjunaġġ fuq livell Ewropew u mekkaniżmi ta’ kooperazzjoni bejn il-pajjiżi għenu biex tinħoloq aktar kuxjenza fuq il-problema.
Jinħtieġu aktar miżuri tas-sigurta` mingħajr ma jinħoloq stat ta’ allert u fl-istess waqt jibqgħu jiġu rrispettati d-drittijiet u l-libertajiet tal-persuni. Tinħtieġ riforma biex l-iskambju ta’ informazzjoni bejn il-gvernijiet issir aħjar u aktar malajr.
Il-prevenzjoni tar-radikalizzazzjoni tibqa’ l-qofol għall-eliminazzjoni tat-terroriżmu. Għalkemm qed isiru ħafna inizjattivi b’dan il-għan li qed iħallu frott, l-iktar inizjattivi li qed iħallu impatt huma dawk li jsiru minn komunitajiet iżlamiċi stess. Tinħtieġ titjieb il-politika ta’ integrazzjoni għax ħafna minnha falliet. Politika ġdida għandha ssaħħaħ is-sens ta’ appartenenza fil-pajjiż.
Fis-26 ta’ Frar 2018, rapport tal-Parlament Ewropew irrakkomanda numru ta’ miżuri li jitwettqu permezz ta’ investigazzjonijiet konġunti mat-timijiet tal-Europol. Dawn jinkludu monitoraġġ ta’ organizzazzjonijiet suspettati b’attivitajiet illeċiti ta’ kummerċ, kutrabandu u frodi. M’hemmx soluzzjonijiet sempliċi u immedjati, iżda tinħtieġ soluzzjoni b’viżjoni għal futur u strateġija ċara biex tkun imnaqqsa din it-theddida.
GWERRA KUMMERĊJALI BEJN L-ISTATI UNITI U L-UE MA TOLQOTX DIRETTAMENT LIL MALTA
Read More
50,000 IŻLAMIST RADIKALI FL-EWROPA
Read More
ORBAN IFITTEX L-APPOĠĠ TAL-ITALJA KONTRA L-IMMIGRAZZJONI
Read More
DOMBROVSKIS JAPPREZZA L-ISFORZI TA’ ALFRED SANT DWAR ID-DIRETTIVA TAL-ASSIGURAZZJONI
Read More
10% TAL-KAROZZI BIL-GASS SAL-2030
Read More
F’MINORANZA ASSOLUTA
Read More
€3 BILJUNI OĦRA GĦAR-REFUĠJATI FIT-TURKIJA
Read More
IĊ-ĊINA U l-INDJA B’OĠĠETTI U MEDIĊINI FOLOZ
Read More
Post a comment