F’eventwalita` ta’ gwerra kummerċjali bejn l-Istati Uniti u l-UE ma jkunx hemm effett dirett fuq Malta. Malta tintlaqat f’każ li l-“gwerra” tinfirex, biż-żewġ naħat jimponu t-tariffi u kontrolli tal-importazzjoni fuq il-merkanzija li jibagħtu lil xulxin, ħaġa li ġġib magħha nuqqas ta’ fiduċja fl-ekonomija dinjija, tnaqqas l-investiment u l-konsum u tista’ anke twassal għal riċessjoni. Jekk bejniethom iż-żewġ naħat iżidu fil-firxa ta’ prodotti li fuqhom idaħħlu d-dazji, fost taxxi oħrajn, dan jaf ikun ta’ problema għal Malta jekk is-sanzjonijiet eventwalment jibdew ikopru prodotti oħrajn, bħal dawk manifatturati minn ST Microelectronics. Dan qalu Alfred Sant meta mistoqsi dwar ir-riperkussjonijiet tat-tilwim kummerċjali bejn l-Istati Uniti u l-UE.
“S’issa għadna ftit bogħod minn hekk,” saħaq Dr Sant.
Fiċ-ċirkostanzi attwali Dr Sant saħaq li x’aktarx Malta aktar tkun qiegħda timporta azzar u aluminju minn sorsi Ewropej li naturalment ma jintlaqtux fl-esportazzjoni tagħhom lejn pajjiżna iżda biss fil-każ ta’ importazzjoni lejn l-Istati Uniti.
“Hu x’inhu l-użu li l-industriji lokali jagħmlu minn dawn il-materjali, anke fir-rigward tat-Tarznari, l-użu huwa wieħed minimu u kwalunkwe żieda fil-prezz tagħhom mhix se jkollha daqstant effett,” qal Dr Sant.
Il-Kummissarju tal-Kummerċ Cecilia Malmström telgħet Washington biex tiżgura li l-UE tkun eżentata mit-taxxi imposti mill-President Donald Trump fuq l-importazzjoni tal-azzar u l-aluminju li deħlin fis-seħħ fit-23 ta’ Marzu. Fil-laqgħa tal-Kunsill tal-Unjoni Ewropea li qed isseħħ f’dawn il-jumejn il-mexxejja tal-UE mistennija juru għaqda u appoġġ għal miżuri li tista’ tkun qed tieħu l-Kummissjoni Ewropea f’dan ir-rigward.
GWERRA KUMMERĊJALI BEJN L-ISTATI UNITI U L-UE MA TOLQOTX DIRETTAMENT LIL MALTA
Read More
50,000 IŻLAMIST RADIKALI FL-EWROPA
Read More
ORBAN IFITTEX L-APPOĠĠ TAL-ITALJA KONTRA L-IMMIGRAZZJONI
Read More
DOMBROVSKIS JAPPREZZA L-ISFORZI TA’ ALFRED SANT DWAR ID-DIRETTIVA TAL-ASSIGURAZZJONI
Read More
10% TAL-KAROZZI BIL-GASS SAL-2030
Read More
F’MINORANZA ASSOLUTA
Read More
€3 BILJUNI OĦRA GĦAR-REFUĠJATI FIT-TURKIJA
Read More
IĊ-ĊINA U l-INDJA B’OĠĠETTI U MEDIĊINI FOLOZ
Read More
Post a comment