BULLMAN FLOK PITTELLA SAL-4 TA’ MARZU

Il-mexxej tal-S&D tal-Parlament Ewropew, Gianni Pittella, ħabbar li s-soċjal-demokratiku Udo Bullman se jkun il-mexxej temporanju ta’ dan il-grupp politiku sal-ħadd 4 ta’ Marzu, id-data tal-elezzjonijiet nazzjonali Taljani.

Bullman huwa l-viċi-chairperson tal-Grupp tal-S&D u responsabbli tal-affarijiet ekonomiċi.

Jekk Pittella jkun elett biex jirrappreżenta r-reġjun tiegħu fis-Senat Taljan, jirriżenja mill-Parlament Ewropew u jinbeda proċess biex jinħatar mexxej ġdid għall-S&D. Pittella ma qalx għandux preferenzi dwar min għandu jinħatar warajh.

Pittella wiegħed li l-linja tal-Grupp tas-Soċjalisti u Demokratiċi mhux se tinbidel. “Le għal koalizzjoni kbira” mad-Demokristjani.

Il-partit ta’ Bullman fil-Ġermanja qed jinnegozja ftehim ġdid ta’ koalizzjoni mal-Partit ta’ Merkel.