L-immigrazzjoni kienet iċ-ċentru tat-taħditiet bejn il-Prim Ministru tal-Ungerija Viktor Orban u l-Kanċillier Awstrijak Sebastian Kurz. Orban żar Vjenna f’attentat li jżid il-ħbieb tiegħu fi ħdan il-pajjiżi tal-Unjoni. Iż-żewġ mexxejja populisti qablu li l-immigrazzjoni illegali għandha titwaqqaf u l-fruntieri esterni tal-Unjoni għandhom jissaħħu.
Kurz, ta’ 31 sena, inħatar kanċillier f’Diċembru li għadda. Jemmen li s-sistema tal-Unjoni ta’ tqassim ta’ immigranti bil-kwoti fil-pajjiżi membri ma ħadmitx, argument li jirrifletti t-twemmin ta’ Orban, magħruf li fil-kriżi tal-immigrazzjoni tal-2015 tella’ l-ħitan biex ma jħallix immigranti jirfsu pajjiżu.
“L-immigrazzjoni illegali trid tieqaf biex niggarantixxu s-sigurta`,” qal Kurz.
Orban jittama li jerbaħ għat-tielet darba konsekuttiva l-elezzjonijiet Ungeriżi f’April.
“L-akbar theddida għall-futur tal-Ewropa u għal kultura Kristjana hija l-immigrazzjoni. Biex ix-Schengen tibqa’ taħdem bla passaporti, jeħtieġ li l-fruntieri esterni tal-Unjoni jkunu protetti.” qal Orban.
L-Awstrija s’issa hija l-uniku stat membru bi gvern ta’ koalizzjoni magħmul minn partit konservattiv u partit tal-lemin estrem. Il-Viċi-Kanċillier Awstrijak tal-lemin estrem Heinz-Christian Strache, jargumenta li l-Awstrija għandha tingħaqad politikament mal-pajjiżi tal-Visegrad u tmur lil hinn mill-alleati tradizzjonali tagħha. Il-Kanċillier Kurz s’issa qed jisħaq li għaqda politika mal-Visegrad mhix fl-aġenda u li l-Awstrija tista’ sservi ta’ pont bejn il-pajjiżi tal-Lvant tal-Visegrad u l-pajjiżi Ewropej tal-Punent.
SPJUNAĠĠ FUQ IL-BAĦAR
Read More
MANIPOLAZZJONI TOTALI
Read More
STRATEĠIJA GĦALL-BALKANI KOLLHA
Read More
TAL-VISEGRAD KONTRA KOSTITWENZA EWROPEA
Read More
ORBAN FITTEX ALLEAT FIL-KANĊILLIER AWSTRIJAK
Read More
BULLMAN FLOK PITTELLA SAL-4 TA’ MARZU
Read More
5% ŻIEDA FIL-PAGA MINIMA
Read More
TRASPORT FIL-PERIFERIJA TAL-UE
Read More
Post a comment