ID-DOLLARU JIBQA’ QUDDIEM L-EWRO

 

Id-dollaru Amerikan baqa’ aktar b’saħħtu mill-Ewro tant li fil-perijodu 2016-2017 ir-rwol tal-ewro fis-swieq finanzjarji naqas.  L-Ewro baqgħet it-tieni l-aktar munita użata internazzjonalment,” qal Benoit Coeure, membru eżekuttiv tal-board tal-Bank Ċentrali Ewropew, iżda xorta tibqa’ lura kkomparata mad-Dollaru Amerikan. F’termini ta’ self internazzjonali, pereżempju, id-dollaru jibqa’ fil-quċċata b’59.1% komparat mal-21.3% tal-Ewro fis-swieq internazzjonali.

Il-Bank Ċentrali Ewropew kull sena jippubblika studju dwar ir-rwol internazzjonali tal-Ewro u l-iżvilupp u l-użu tal-munita minn persuni mhux residenti fiż-żona ewro. Ir-rapport jisħaq li l-elezzjonijiet f’ċertu pajjiżi taż-żona ewro u l-inċertezza tal-politika ekonomika wara l-vot tal-Brexit ħallew impatt fuq l-użu internazzjonali tal-Ewro.