Il-Kummissjoni Ewropea qalet li l-Bulgarija għadha ma laħqitx il-kundizzjonijiet kollha biex tadotta l-munita ewro f’analiżi dwar il-pajjiżi futuri kandidati biex jidħlu fiż-żona ewro. Il-Bulgarija – wieħed mill-ifqar pajjiżi membri tal-UE – trid tidħol fiż-żona ewro u tixtieq tibda l-proċess ta’ sentejn li jħejjiha għal dan il-għan.
Il-pajjiżi membri kollha ħlief ir-Renju Unit (li ħiereġ mill-UE) u d-Danimarka, huma obbligati legalment li jaddottaw il-munita tal-ewro meta jkunu laħqu l-kriterji meħtieġa. Apparti l-Bulgarija, is-sitt pajjiżi obbligati li jaddottaw l-ewro huma Kroazja, Ungerija, Polonja, Repubblika Ċeka, Romanija u Svezja. Il-Kummissjoni Ewropea qalet li l-ebda pajjiż ma laħaq il-kriterji kollha.
Biex pajjiż jadotta l-ewro għal perijodu twil ta’ żmien jeħtieġ ikollu rati ta’ interessi baxxi , inflazzjoni, defiċit tal-gvern u dejn baxxi u rata tal-kambju stabbli mal-ewro. Irid ikollu wkoll bank ċentrali indipendenti u jkun integrat tajjeb fl-ekonomija taż-żona ewro. Għalkemm il-Bulgarija laħqet mal-ewwel kriterji msemmija, ma laħqitx mar-rekwiżit ta’ bank ċentrali indipendenti u lanqas ma’ rata tal-kambju stabbli mal-ewro.
Il-falliment f’Ġunju 2014 tal-Bank Kummerċjali Korporattiv (CCB, magħruf ukoll bħala Corpbank), ir-raba’ l-ikbar fil-pajjiż, tefa’ dell fuq it-tmexxija tal-banek fil-pajjiż.
Jeżisti tħassib li jekk Sofia ma tkunx imħejjija sew għaż-żona ewro, il-Bulgarija tista’ ssir Greċja oħra. Hemm stati membri tal-UE li ma jixtiqux li l-Bulgarija tidħol fl-ewro fil-futur qarib minħabba l-korruzzjoni mifruxa tal-pajjiż.
IL-POPULISTI MA JRIDUX ESPERTI FINANZJARJI JMEXXU L-ITALJA
Read More
JONQSU L-IMMIGRANTI FIL-MEDITERRAN ĊENTRALI, JIŻDIEDU FIL-LVANT
Read More
JIKKONTESTA DIKJARAZZJONI TAL-KUMMISSJONI EWROPEA DWAR MALTA
Read More
ALI KHAMENEI JŻID IL-PRESSJONI FUQ L-EWROPEJ
Read More
IL-BULGARIJA BARRA Ż-ŻONA EWRO
Read More
L-EBDA GARANZIJA DWAR PENSJONIJIET U INSURANCES WARA L-BREXIT
Read More
RESTRIZZJONIJIET FUQ GAZPROM
Read More
FAVUR FINANZJAMENT SOSTENIBBLI GĦALL-INDUSTRIJI ŻGĦAR U MEDJI
Read More
Post a comment