Kien hemm tnaqqis fil-wasliet tal-immigranti fil-Mediterran Ċentrali, iżda żdiedu l-immigranti fil-Lvant tal-Mediterran. F’April kien hemm 10, 500 traġitt irregolari fir-rotot komuni wżati mill-immigranti. Il-Frontex (l-Aġenzija Ewropea tal-Gwardji tal-Kosta u Ħarsien tal-Fruntieri) qalet li dan juru tnaqqis ta’ terz fuq ix-xahar ta’ April tas-sena l-oħra. Fl-ewwel erba’ xhur tas-sena 2018, in-numru totali ta’ traġitti irregolari naqsu b’44% meta kkomparat mad-29, 700 tas-sena l-oħra, l-aktar minħabba tnaqqis fir-rotta tal-Mediterran Ċentrali.
Kien hemm żieda fl-għadd ta’ immigranti fuq ir-rotta tal-Lvant tal-Mediterran, b’mod partikolari fil-fruntiera mat-Turkija.
F’April, in-numru ta’ immigranti irregolari li wżaw ir-rotta tal-Lvant tal-Mediterran laħaq is-6, 700, żewġ-terzi aktar mix-xahar ta’ qabel. Fl-ewwel erba’ xhur ta’ din is-sena, aktar minn 14, 900 immigrant daħlu fl-UE mir-rotta tal-Lvant tal-Mediterran, 92% aktar mill-istess perijodu tas-sena l-oħra. Din ir-rotta hija wżata l-aktar mill-immigranti Sirjani u Iraqqini.
Fir-rotta tal-Mediterran tal-Punent in-numru ta’ immigranti illegali wkoll żdied bil-wasliet fi Spanja li laħqu kważi 11, 000, l-aktar Marokkini, żieda ta’ 25% minn April tas-sena l-oħra.
In-numru ta’ immigranti li waslu l-Italja permezz tar-rotta tal-Mediterran Ċentrali f’April naqas għal total ta’ 2, 800. Dan huwa 78% anqas minn April tal-2017. In-numru totali tal-immigranti li nqabdu jużaw din ir-rotta fl-ewwel erba’ xhur tas-sena 2018 naqas għal total ta’ 9, 400 jew tliet kwarti anqas mill-istess perijodu tas-sena l-oħra. Din is-sena l-aktar li użaw din ir-rotta s’issa kienu Tuneżini u Eritreani.
IL-POPULISTI MA JRIDUX ESPERTI FINANZJARJI JMEXXU L-ITALJA
Read More
JONQSU L-IMMIGRANTI FIL-MEDITERRAN ĊENTRALI, JIŻDIEDU FIL-LVANT
Read More
JIKKONTESTA DIKJARAZZJONI TAL-KUMMISSJONI EWROPEA DWAR MALTA
Read More
ALI KHAMENEI JŻID IL-PRESSJONI FUQ L-EWROPEJ
Read More
IL-BULGARIJA BARRA Ż-ŻONA EWRO
Read More
L-EBDA GARANZIJA DWAR PENSJONIJIET U INSURANCES WARA L-BREXIT
Read More
RESTRIZZJONIJIET FUQ GAZPROM
Read More
FAVUR FINANZJAMENT SOSTENIBBLI GĦALL-INDUSTRIJI ŻGĦAR U MEDJI
Read More
Post a comment