Il-Prim Ministu Spanjol Pedro Sanchez se jerġa’ jikseb il-poter wara li s-Soċjalisti ġabu aktar voti min-nazzjonalisti fl-elezzjonijiet ta’ nhar il-Ħadd, riżultat li qal jagħtih kuraġġ għall-elezzjonijiet Ewropej.
Is-Soċjalisti kisbu aktar siġġijiet fi Spanja f’elezzjonijiet jaħarqu u b’partit tal-lemin estrem ewroxettiku li kkampanja kontra l-immigrazzjoni. Il-voti tal-partiti tal-lemin inxterdu bejn il-partiti filwaqt li s-Soċjalisti kważi ġabu 50% żieda fis-siġġijiet tal-parlament.
“Is-Soċjaliżmu Demokratiku għandu futur kbir għax fil-preżent huwa b’saħħtu u Spanja hija xhieda ta’ dan. Se nifformaw gvern favur l-Ewropa biex insaħħu mhux indgħajfu l-Ewropa.” qal Sanchez.
Dawk favur aktar integrazzjoni Ewropea ħadu n-nifs bir-riżultat. Il-partit tal-lemin estrem Vox irnexxielu jieħu vot minn kull 10 u kiseb 24 siġġu – preżenza sinifikanti fil-parlament Spanjol iżda mxekkla mir-riżultat kbir li kisbu s-Soċjalisti.
Issa jibdew it-taħdidiet biex ikun ifformat gvern ta’ koalizzjoni. Sanchez se jkollu jifforma gvern mal-partit xellugi Podemos, u ma’ għadd ta’ partiti żgħar oħra. Għadu mhux ċar għandux bżonn l-appoġġ tas-separatisti Katalani biex jifforma l-koalizzjoni tiegħu. Din il-koalizzjoni x’aktarx issir wara l-elezzjonijiet tal-Parlament Ewropew.
Ħareġ kważi rekord ta’ nies jivvotaw għal elezzjoni ġenerali Spanjola, t-tielet waħda f’erbgħa snin, b’kampanja ddominata mill-identita` u l-għaqda nazzjonali aktar milli fuq l-ekonomija.
Is-Soċjalisti kisbu 123 siġġu f’parlament ta’ 350 siġġu. L-ikbar tellief f’din l-elezzjoni kien il-partit tal-Popolari Ewropej.
L-INTERESSI TA’ MALTA L-EWWEL U QABEL KOLLOX
Read More
STIGMATIZZAZZJONI SUPERFIĊJALI TA’ MALTA
Read More
IS-SOĊJALISTI JIRBĦU FI SPANJA
Read More
L-INGLIŻI JISKARTAW L-EWROPA GĦALL-VAGANZI TAGĦHOM
Read More
IL-FAXXISTI SLOVAKKI SE JIKKONTESTAW L-ELEZZJONIJIET EWROPEJ
Read More
GĦAWDEX JEĦTIEĠ L-GĦAJNUNA TAL-ISTAT
Read More
MALTA FUQ QUDDIEM FIL-QASAM TAL-BLOCKCHAIN
Read More
L-OBESITA`: PESTA FOST IT-TFAL FIN-NOFSINHAR TAL-EWROPA
Read More
Post a comment