Sigħat qabel laqgħa ma’ Jean Claude Juncker, Il-Prim Ministru Pollakk Mateusz Morawiecki għamel tibdil fil-kabinett f’mossa li ġiet interpreta li xtaq jogħġob lill-Kummissjoni Ewropea. Il-laqgħa saret ġimgħat wara li l-Unjoni ħabbret miżuri dixxipplinari kontra Varsavja minħabba riformi fil-ġudikatura li skont Brussell jheddu s-saltna tal-liġi. It-taħditiet ġew deskritti bħala ‘dettaljati’ u ‘kostruttivi’ u ż-żewġ mexxejja se jerġgħu jiltaqgħu bil-ħsieb li sal-aħħar ta’ Frar isir progress.
Il-Prim Ministru Pollakk, li xahar ilu ħa l-post ta’ Beata Szydlo qal li ma jridx ikun gvern estremist u dogmatiku, iżda jrid ikun gvern li jgħaqqad l-ekonomija u s-soċjeta` kif ukoll id-dimensjoni Ewropea u dik globali. Bil-mossi tiegħu l-Prim Ministru Morawiecki ried jagħti sinjal pożittiv lil Ewropa. Dan wara eskalazzjoni ta’ ġrajjiet bejn Brussell u Varsavja li skattaw proċeduri kontra l-Polonja u li eventwalment iwasslu biex jittiħdilha d-dritt tal-vot f’azzjoni dixxiplinari bla preċedent.
In-nuqqas ta’ qbil jixhed tensjonijiet bejn il-pajjiżi tal-Ewropa tal-Punent u tal-Ewropa tal-Lvant, bl-ex-pajjiżi Sovjetiċi bħal Polonja u l-Ungerija jirrifjutaw li jimxu mal-linja ta’ Brussell fuq suġġetti bħal ġudikatura u l-indipendenza tal-media, kif ukoll dwar l-immigrazzjoni.
L-UE tellgħet lil Polonja l-Qorti minħabba li rrifjutat li tilqa’ immigranti skont is-sistema tal-kwoti li pproponiet il-Kummissjoni.
Il-Gvern Pollakk kellu relazzjonijiet diffiċli mal-President Donald Tusk tant li l-Polonja kienet l-uniku pajjiż li vvota kontra Tusk biex ma jkunx elett mill-ġdid għal terminu ieħor bħala President tal-Kunsill tal-UE f’Marzu li għadda.
TKABBIR TAL-UE FL-2025
Read More
TRID TISPIĊĊA L-IPOKRESIJA DWAR IT-TURKIJA
Read More
L-ISFIDI TA’ MALTA FL-IMMANIĠJAR TAL-ISKART
Read More
L-UE KONTRA S-SANZJONIJIET TAL-ISTATI UNITI FUQ CUBA
Read More
L-ISTATI MEMBRI SE JIKKONTRIBWIXXU AKTAR MINĦABBA L-BREXIT
Read More
ARTISTI GĦAWDXIN FIL-PARLAMENT EWROPEW
Read More
NUMRU REKORD TA’ IMMIGRANTI GĦAL FRANZA
Read More
JIBDEL IL-MINISTRI QABEL JILTAQA’ MA’ JUNCKER
Read More
Post a comment