L-UE wiegħdet l-appoġġ tagħha fil-proċess ta’ riformi f’Cuba, mossa li tistona mal-miżuri riċenti li ħadet l-Istati Uniti bl-għan li tiżola lil din il-gżira. L-Istati Uniti ilha li imponiet sanzjonijiet fuq Cuba mill-1962.
Ir-Rappreżentanta tal-Affarijiet Barranin tal-UE Federica Mogherini qalet li s-sanzjonijiet tal-Istati Uniti huma “skaduti u illegali” waqt żjara li għamlet f’Cuba.
Ir-restrizzjonijiet reġgħu ssaħħu taħt l-amministrazzjoni ta’ Donald Trump filwaqt li taħt l-amministrazzjoni ta’ Barack Obama kienu llaxkaw xi ftit.
“Is-sanzjonijiet mhux soluzzjoni. Aħna l-Ewropej informajna lil ħbieb Amerikani tagħna diversi drabi u dan għednieh ukoll fil-Ġnus Magħquda. L-uniku effett li għandhom is-sanzjonijiet huma dak li jnaqqsu l-kwalita` tal-ħajja tan-nisa, irġiel u tfal li joqogħdu fuq il-gżira,” qalet Mogherini.
L-Unjoni Ewropea kkritikat is-sanzjonijiet riċenti tal-Istati Uniti fuq ċittadini u kumpaniji Ewropej li jagħmlu l-kummerċ mal-gżira u qalet li ma taqbilx ma’ miżuri li jxekklu r-relazzjonijiet kummerċjali u ekonomiċi tal-UE ma’ Cuba.
Mogherini qed issaħħaħ il-kooperazzjoni mal-gżira bl-għan li tħejji ftehim bilaterali kummerċjali bejn Cuba u l-UE. L-UE hija it-tieni l-akbar trading partner ta’ Cuba wara ċ-Ċina, b’kummerċ li laħħaq $2.4 biljun dollaru Amerikan fl-2016. L-UE hija l-akbar investitur barrani f’Cuba, f’setturi bħat-turiżmu u l-industrija agrarja.
TKABBIR TAL-UE FL-2025
Read More
TRID TISPIĊĊA L-IPOKRESIJA DWAR IT-TURKIJA
Read More
L-ISFIDI TA’ MALTA FL-IMMANIĠJAR TAL-ISKART
Read More
L-UE KONTRA S-SANZJONIJIET TAL-ISTATI UNITI FUQ CUBA
Read More
L-ISTATI MEMBRI SE JIKKONTRIBWIXXU AKTAR MINĦABBA L-BREXIT
Read More
ARTISTI GĦAWDXIN FIL-PARLAMENT EWROPEW
Read More
NUMRU REKORD TA’ IMMIGRANTI GĦAL FRANZA
Read More
JIBDEL IL-MINISTRI QABEL JILTAQA’ MA’ JUNCKER
Read More
Post a comment