L-UE mistennija twiegħed dħul ta’ stati membri ġodda fis-sena 2025 bil-kandidati ewlenin ikunu s-Serbja u l-Montenegro. Pajjiżi oħra tal-Balkani bħal Bosnia Herzegovina, il-Maċedonja, l-Albanija u l-Kosovo jistgħu jkunu eleġibbli għad-dħul jekk ikunu konformi mar-regoli tal-UE. It-tkabbir il-ġdid jiddependi minn kwistjonijiet bejn l-istess pajjiżi tal-Balkani. L-UE mistennija tippubblika l-istrateġija tagħha dwar it-tkabbir fl-ewwel ħmistax ta’ Frar. Dan jikkontrasta ma’ dak li kien qal Jean-Claude Juncker fl-2014 li ma kienx ippjanat tkabbir tal-UE għall-futur immedjat.
Is-Serbija u Montenegro, żewġ alleati storiċi tar-Russja, diġa` fetħu t-taħditiet għas-sħubija fl-UE. L-Albanija u l-Maċedonja mistennija jagħmlu dan dis-sena. Il-Bosnija u l-Kosovo qed jipprovaw ukoll jingħataw l-istatus ta’ ‘kandidat’.
Il-Kummissjoni Ewropea mistennija tisħaq li l-istati Balkani jridu jsolvu l-kwistjonijiet ta’ bejniethom biex ikunu eleġibbli fit-tkabbir tal-UE.
L-akbar problema tibqa’ r-rikonoxximent tal-Kosovo mis-Serbja. Dan il-ftehim huwa kruċjali għaż-żewġ stati Balkani.
Il-kwistjonijiet fil-Balkani jmorru lura 20 sena mindu waqfu l-gwerer ċivili fir-reġjun. Il-Kroazja u s-Slovenja għadhom sal-lum ma jistgħux jaqblu dwar il-fruntieri mal-baħar Adrijatiku. Il-Kroazja għandha kwistjonijiet oħra mal-Bosnija, il-Montenegro u Serbja.
L-aġenda tal-Balkani se tkun diskussa waqt il-Presidenza tal-Bulgarija u fit-18 ta’ Mejju se jsir Summit tal-Balkani f’Sofia, il-kapitali Bulgara.
Dawn id-deċiżjonijiet qed jittieħdu fil-kuntest tal-attivita` Russa fil-Balkani b’mod partikolari fis-Serbja u l-Montenegro fejn qed ikun inkoraġġut in-Nazzjonaliżmu Serb u qed issir propoganda kontra l-UE.
TKABBIR TAL-UE FL-2025
Read More
TRID TISPIĊĊA L-IPOKRESIJA DWAR IT-TURKIJA
Read More
L-ISFIDI TA’ MALTA FL-IMMANIĠJAR TAL-ISKART
Read More
L-UE KONTRA S-SANZJONIJIET TAL-ISTATI UNITI FUQ CUBA
Read More
L-ISTATI MEMBRI SE JIKKONTRIBWIXXU AKTAR MINĦABBA L-BREXIT
Read More
ARTISTI GĦAWDXIN FIL-PARLAMENT EWROPEW
Read More
NUMRU REKORD TA’ IMMIGRANTI GĦAL FRANZA
Read More
JIBDEL IL-MINISTRI QABEL JILTAQA’ MA’ JUNCKER
Read More
Post a comment