Wara l-2020 l-UE ma tistax isserraħ aktar fuq il-kontribuzzjoni tar-Renju Unit. Dan qalu l-Kummissarju għall-Baġit Ewropew Günther Oettinger meta tkellem fuq il-futur tal-baġit tal-UE. L-Unjoni se jkollha “tiffinanzja aktar affarijiet b’inqas flus” għaliex ir-Renju Unit huwa kontributur kbir għall-baġit Ewropew. Wara l-Brexit il-baġit Ewropew mill-inqas se jixxotta b’€10 biljuni fis-sena.
Oettinger qal li minkejja li l-baġit jiċkien, iċ-ċittadini Ewropej jistennew li l-Unjoni tonfoq aktar f’oqsma bħall-immigrazzjoni, is-sigurta` u l-ġlieda kontra t-terroriżmu u d-difiża. Il-Kummissarju qal li l-Unjoni se tipprova żżomm ir-rwol tagħha ta’ donatur ewlieni fil-kriżijiet umanitarji u fil-ġlieda kontra t-tibdil tal-klima.
Il-Kummissjoni Ewropea qed tipproponi li dawk il-pajjiżi li jikkontribwixxu l-aktar fil-baġit Ewropew, iżidu l-kontribuzzjoni tagħhom bil-garanzija li kull ewro li jħallsu jintefaq b’mod effiċjenti. Dawk li jiksbu aktar fondi milli jagħtu jkollhom jaċċettaw aktar kontroll fuq il-proġetti li jkunu se jwettqu biex ma jonqsulhomx il-fondi.
Il-Bulgarija u r-Romanija – l-aktar żewġ stati membri fqar tal-UE – huma fost il-pajjiżi l-aktar imħassba li se jonqsulhom il-fondi li jiksbu mill-UE. Dawn il-pajjiżi s’issa qatt ma ħaduha kontra d-deċiżjonijiet tal-Kummissjoni Ewropea u jidher li anki f’dan il-każ se jkunu qed jaqblu mad-deċiżjonijiet tal-Kummissjoni. F’dan ir-rigward il-Prim Ministru Bulgaru Boyko Borissov diġa` qal “jiddeċiedu l-kapijiet il-kbar tal-UE”.
IL-FUTUR TAL-EWROPA –BILANĊ BEJN GĦAQDA U AMBIZZJONI
Read MoreIS-SOĊJETA` ĊIVILI GĦAWDXIJA GĦANDHA TKUN PROTAGONISTA
Read MoreGĦAWDEX KIEN ĦAQQU 31% TAL-FONDI EWROPEJ, MHUX 10%
Read MoreL-UE MHUX SE SSERRAĦ FUQ IL-KONTRIBUZZJONI TAR-RENJU UNIT WARA 2020
Read MoreIL-PROPOSTI TA’ MACRON GĦALL-ĠGANTI TAL-INTERNET MHUX FL-INTERESS TA’ MALTA
Read MoreTITJIB FL-IMPJIEGI U ŻIEDA FIL-PREKARJAT FL-UE
Read MoreIS-SERBJA MISTENNIJA SSIR MEMBRU TAL-UE
Read MoreL-UE TRID TAGĦLAQ IR-ROTTA TAL-MEDITERRAN
Read More
Post a comment