Fl-UE hemm 235 miljun ruħ impjegati, numru ikbar mill-perijodu ta’ qabel il-kriżi finanzjarja tal-2008. Rapport dwar l-iżvilupp tas-suq tax-xogħol fl-Ewropa ppubblikat mill-Kummissjoni Ewropea juri li l-pagi żdiedu kważi f’kull stat membru iżda l-insigurta` fil-postijiet tax-xogħol żdiedet ukoll.
Ir-rapport tal-Kummissjoni juri li fl-2016 fl-UE kien hemm 66.6% nies jaħdmu filwaqt li fiż-żona ewro r-rata kienet ta’ 65.4%. L-ogħla rata ta’ nies jaħdmu kienet fl-Isvezja (76.2%), Danimarka (74.9%), l-Olanda (74.8%) u l-Ġermanja (74.7%). Il-Greċja (52%), Kroazja (56.9%) u l-Italja (59.2%) huma fost l-aktar pajjiżi li għandhom l-inqas rata ta’ nies jaħdmu.
Il-qgħad kompla jonqos għal 7.7% f’Lulju tal-2017 fl-UE u 9.1% fiż-żona ewro. Għal dawk li ma għandhomx xogħol sar aktar faċli li jsibu impjieg.
Ir-rapport juri żieda moderata ta’ 1.2% fil-pagi f’ħafna stati membri. Ġie nnotat progress fl-istati Baltiċi, l-Ungerija u r-Romanija u skont il-Kummissjoni hemm sinjali ta’ konverġenza fil-pagi tul l-Ewropa kollha. Din l-analiżi tistona ma’ studju ieħor li ħarġu t-trade unions Ewropej ftit xhur ilu.
Ir-rapport tat-trade unions qal li d-differenzi fil-kondizzjonijiet tal-ħaddiema komplew jiżdiedu, kif qed jiżdiedu wkoll kuntratti ‘mhux tas-soltu’, b’ħaddiema temporanji jew mingħajr paga u ħaddiema li jaqilgħu pagi ħafna aktar baxxa minn oħrajn li jagħmlu l-istess xogħol. Ir-rapport jgħid li s-sitwazzjoni mhix pożittiva għax dan joħloq nuqqas ta’ investiment fil-kapital uman, frammentazzjoni tas-suq tax-xogħol, nuqqas ta’ tkabbir produttiv u pagi baxxi.
Dawn huma żvantaġġi li l-Kummissarju Ewropea tal-Impjiegi u l-Affarijiet Soċjali Marianne Thyssen mistennija tindirizza. Thyssen qalet li l-Kummissjoni tixtieq timmodernizza ir-regoli tal-kuntratti tax-xogħol u l-protezzjoni soċjali bl-għan li titjieb il-kondizzjoni tal-ħajja u tax-xogħol tal-persuni fl-Unjoni.
IL-FUTUR TAL-EWROPA –BILANĊ BEJN GĦAQDA U AMBIZZJONI
Read MoreIS-SOĊJETA` ĊIVILI GĦAWDXIJA GĦANDHA TKUN PROTAGONISTA
Read MoreGĦAWDEX KIEN ĦAQQU 31% TAL-FONDI EWROPEJ, MHUX 10%
Read MoreL-UE MHUX SE SSERRAĦ FUQ IL-KONTRIBUZZJONI TAR-RENJU UNIT WARA 2020
Read MoreIL-PROPOSTI TA’ MACRON GĦALL-ĠGANTI TAL-INTERNET MHUX FL-INTERESS TA’ MALTA
Read MoreTITJIB FL-IMPJIEGI U ŻIEDA FIL-PREKARJAT FL-UE
Read MoreIS-SERBJA MISTENNIJA SSIR MEMBRU TAL-UE
Read MoreL-UE TRID TAGĦLAQ IR-ROTTA TAL-MEDITERRAN
Read More
Post a comment