Jekk dil-mozzjoni konġunta tgħaddi kif miktuba, il-kredenzjali tal-Parlament Ewropew li jurina kif niddefendu l-valuri Ewropej b’mod trasparenti u b’mod onest ikunu f’riskju. Dan qalu Alfred Sant fil-Parlament b’riferenza għall-mozzjoni ppreżentata kontra Malta. Hu saħaq li jekk l-istati membri se jkunu suġġetti għal dil-metodoloġija, l-istati membri kollha jistgħu jitħammġu.
Alfred Sant qal li l-attitudnijiet fil-Parlament Ewropew għandhom ikunu oġġettivi. Bħalissa huma tendenzjali.
“Għandna bżonn analiżi oġġettiva. Minflok għandna opinjonijiet preġudikati u polemikużi, qisna qed nagħmlu l-instant coffee.”
Biex dan il-Parlament jibqa’ b’saħħtu fid-difiża tad-drittijiet tal-Bniedem u tas-Saltna tad-Dritt, irid iniedi proċess ibbażat fuq ġbir ta’ evidenza, impoġġija f’kuntest u analizzata. Jekk ma jsirx hekk, dan il-Parlament jitlef il-kredibilita` tiegħu. Agħar minn hekk, jista’ jimmina l-valuri li aħna lkoll nemmnu fihom.
F’Malta kellna delitt brutali li xxokkjana kollha kemm aħna. Hemm bżonn li ssir ġustizzja. Fl-investigazzjoni, il-Gvern Malti talab l-għajnuna tal-awtoritajiet tal-Pulizija Olandiżi u Amerikani kif ukoll lill-Interpol. Iżda r-riżultat tal-investigazzjoni dwar dan id-delitt, ma jistax jirrifletti fuq is-Saltna tad-Dritt f’Malta. Malta qed tkun akkużata b’defiċjenzi perċepiti fis-Saltna tad-Dritt fuq il-bażi ta’ fatti mgħawġa, allegazzjonijiet mhux ipprovati u kwistjonijiet irrelevanti għas-Saltna tad-Dritt. Dan qed isir bi tpattija għal proċessi dwar is-Saltna tad-Dritt fi stati membri oħra tal-UE?
Il-Gvern Malti ripetutament aċċetta li jilqa’ delegazzjonijiet minn dan il-Parlament biex jinvestigaw il-kwistjonijiet li tqajmu. Il-Gvern Malti aċċetta, u stieden, l-iskrutinju tal-Kummissjoni Ewropea fuq għadd ta’ kwistjonijiet.
Il-partiġġjaniżmu fuq is-Saltna tad-Dritt jimmina l-bażi morali li dan il-Parlament jista’ jqajjem dwar kwistjonijiet marbutin magħha. Dan qed isir għaliex fid-dawl tal-interess u l-alleanzi ta’ dan il-Parlament, huwa eħfef li tinjora r-realtajiet ta’ Malta biex titfa’ d-dubji fuq il-mottivi tal-Gvern Malti.
Dan il-Gvern għadu kemm ġie ri-elett b’maġġoranza assoluta li l-ebda partit f’dan il-Parlament qatt ma kellu. Bit-tmexxija tiegħu Malta kisbet l-ogħla rata ta’ tkabbir ekonomiku fl-Ewropa kollha.
Il-mozzjoni kontra Malta għaddiet b’466 vot favur, 49 vot kontra u 167 astenzjoni.
IX-XOQQA F’MOXTHA
Read MoreIL-LUSSEMBURGU KONTRA SANZJONIJIET FUQ TAX HAVENS
Read MoreMACRON: L-EWROPA GĦANDHA TIKKRITIKA LIR-RUSSJA U LIT-TURKIJA, IŻDA MHUX TAGĦTIHOM DAHARHA
Read More€100 MILJUN BIEX JINBIGĦ AKTAR GASS FL-UE
Read MoreRISKJU GĦALL-KREDENZJALI TAL-PARLAMENT EWROPEW
Read MoreARJA AKTAR NADIFA FIL-GŻEJJER TAL-UE
Read MoreIT-TOROQ EWROPEJ DOMINATI MINN VETTURI B’MAGNI DIESEL
Read MoreDELEGAZZJONI TAL-ECON F’LISBONA
Read More
Post a comment