Is-servizzi tas-sigurtà Franċiżi ftit basru li eluf kbar ta’ friefet kienu se jinvadu Stade de France fil-kapitali Franċiża minn 24 siegħa qabel bdiet il-partita bejn Franza u l-Portugall. Is-servizzi Franċiżi ħadu l-passi kollha immaġinabbli biex jilqgħu għall-eventwalità ta’ attakki terroristiċi waqt il-finali tal-EURO 2016. Imma ħadd ma kien qed jistenna din l-invażjoni li mhux biss ħasdet lil dawk li mlew kull rokna tal-istadium iżda lill-miljuni ta’ telespettaturi li segwew il-final. Ir-realtà ta’ din l-invażjoni inħasset mill-players waqt il-‘warm up’ tal-partita li ġew litteralment infestati minn eluf ta’ friefet
Fil-lejl ta’ qabel l-istaff tal-Istadium Pariġin ħallew id-dwal jixegħlu fuq il-pitch bħala miżura ta’ sigurtà. Ftit, jew ħadd ma basar li dawn id-dwal fil-kundizzjonijiet umdi li ħakmu lil Pariġi kienu se jiġbdu eluf ta’ friefet li baqgħu hemm sal-għada. Il-players u aktar minn 70,000 partitarju kellhom jistkennu mill-massa ta’ friefet li invadew kull rokna ta’ Stade de France u l-pitch maestuż tiegħu. Anke d-dressing rooms messithom l-istess xorti u kellhom jintużaw il-vacuum cleaners biex jinqabdu dawn il-friefet biex il-players ma jkunux skomdi.
L-Uffiċċjali tal-UEFA ammettew li qatt ma stennew din l-invażjoni. Ir-referee Ingliż Mark Clattenburg u l-uffiċċjal tal-UEFA Pierluigi Collina qatt ma kienu ltaqgħu ma’ sitwazzjoni simili fil-karriera imlewna tagħhom. Bħalhom, il-players taż-żewġ naħat kellhom ineħħu l-friefet minn ma’ wiċċhom kull darba li attakkawhom. Se tibqa’ f’moħħ kulħadd ix-xena ta’ Ronaldo mbikkem mal-art bl-uġigħ fi rkopptu attakkat minn dawn il-friefet fil-finali ta’ dat-tournament li mhux se tibqa’ mfakkra għall-kwalità ta’ football miż-żewġ nazzjonijiet finalisti.
Dan l-episodju fakkar lil ħafna fir-rakkonti tat-Testment l-antik dwar ix-xita tal-ġurati fl-Eġittu l-antik. Flok xita ta’ ġurati did-darba kien hemm xita tal-friefet.
SANZJONIJIET SIMBOLIĊI KONTRA SPANJA U L-PORTUGALL
Read More
L-UNJONI EWROPEA QED TIDHER INEFFETTIVA
Read More
IL-BANEK IŻ-ŻGĦAR TAL-UE JILMENTAW MINN PIŻIJIET SPROPORZJONATI
Read More
IL-PRESIDENZA SLOVAKKA KONTRA TIBDIL FIT-TRATTATI
Read More
IL-FLESSIBILITA` FIT-TASSAZZJONI IMPORTANTI GĦALL-GVERNIJIET NAZZJONALI
Read More
IL-BALKANI PARTI MILL-PROĠETT EWROPEW
Read More
ESTIŻI S-SANZJONIJIET RUSSI
Read More
XITA TA’ FRIEFET F’ PARIĠI
Read More
Post a comment