GĦAL SIESTA WAQT IX-XOGĦOL

Kumpanija Griega, Studio NL, ivvintat mejda apposta għal fuq il-post tax-xogħol. Din il-mejda timxi fuq l-istess kunċett tal-‘bunk beds’ fejn il-wiċċ huwa maħsub biex fuqu jitqiegħed il-laptop u isfel huwa spazju komdu fejn wieħed jieħu nagħsa meta tiġi l-ħedla fit-tlieta ta’ waranofsinhar. Il-wiċċ jiżżerżaq ukoll ħalli persuna tkun tista’ tibqa’ taħdem waqt li l-oħra tkun qed tistrieħ ftit.

Permezz ta’ din l-invenzjoni, ikun iffrankat l-ispazju. L-idea hija li wieħed ikun jista’ jieħu siesta jew jorqod ftit sigħat meta jkollu jqatta’ ħafna ħin fl-uffiċċju għax ikun irid jilħaq xi deadline. Għalissa din il-mejda għadha prototip. Ħafna qed jistennew bi ħġarhom biex ikunu jafu meta u minn fejn se tkun tista’ tinxtara.