JIŻDIEDU T-TAXXI FL-AJRUPORTI EWROPEJ

Linji tal-ajru u ajruporti Ewropej mhumiex jaqblu dwar iż-żidiet li kien hemm fl-ajruporti fl-aħħar snin. L-akbar 21 ajruport fl-Ewropa, f’10 snin żiedu t-taxxi għall-passiġġieri b’25.4%, jew €3 ewro kull passiġġier. Dan ħareġ mill-analiżi tal-Kunsill Internazzjonali tal-Ajruporti. Dawn il-figuri ma jaqblux mal-allegazzjonijiet tal-‘Airlines for Europe’, li jirrappreżentaw lil Air France, KLM, Ryanair, IAG, Lufthansa u Easy Jet li qalu li l-akbar 21 ajruport fl-Ewropa żiedu t-taxxi għall-passiġġieri bi 80% fuq perijodu ta’ 10 snin.

Il-Kunsill Internazzjonali tal-Ajruporti qal li ż-żidied fit-taxxi huma inqas miż-żidied li kellhom l-ajruporti f’affarijiet oħra bħall-elettriku li għola bi 30.8%. Il-Kunsill qal li d-dħul ikopri biss 60% jew 70% tal-ispejjeż tal-ajruporti u li l-ispejjeż qed jiżdiedu maż-żieda tal-istandards tas-sigurta` li qed ikollhom iwettqu l-ajruporti.

Il-Kunsill ma aċċettax l-istqarrija tal-‘Airlines for Europe’ li l-prezz tal-biljetti tal-ajru naqas b’medja ta’ 20%. Huma qalu li skont il-Eurostat, il-popli Ewropej kellhom żieda ta’ 29% fil-prezzijiet tal-biljetti tal-ajru fuq l-istess perijodu.

L-istqarrijiet kunflinġenti juru nuqqas ta’ qbil bejn il-linji tal-ajru u l-ajruporti fuq il-kwistjoni tat-taxxi fl-ajruporti. Il-battibekk bejniethom se jkompli għaddej fil-ġimgħat li ġejjin.