Fl-Istati Uniti, ħames pajjiżi fl-Ewropa qed ikunu msemmija bħala destinazzjonijiet ideali għall-irtirar. Qed jingħad li f’dawn il-ħames pajjiżi Ewropej jinstabu bajjiet mill-isbaħ, bliet mimlija storja, arkitettura u mużewijiet u anki xeni rilassanti qalb il-kampanja. L-esperti qed jgħidu li l-ħajja f’dawn il-postijiet mhux għolja ħafna u l-kiri jew ix-xiri tal-propjeta` huma raġjonevoli wkoll. Is-servizzi tas-saħħa deskritti bħala professjonali u l-faċilitajiet ta’ ‘world-class standard’. L-assigurazzjoni għas-saħħa hija ferm aktar raġjonevoli minn dik li titħallas fl-Istati Uniti.
Il-ħames destinazzjonijiet huma l-Gżejjer Maltin, xi reġjuni ta’ Franza, Spanja, l-Italja u l-Portugall. Fuq Malta ssemmew il-baħar, ix-xemx, il-bini storiku, il-fatt li l-poplu tagħna jitkellem bl-Ingliż, ir-restoranti li huma fost l-aqwa fil-Mediterran u s-servizzi tas-saħħa. Fi Franza ssemma’ r-reġjun ta’ Languedoc-Roussillon minħabba l-klima, l-livell ta’ għixien u l-prezzijiet raġjonevoli. L-inħawi Spanjoli favuriti għall-irtirar huma Costa del Sol u Alicante jew Bilbao, Barcellona u Valencia. Spanja msemmija għal kultura, il-mużewijiet, u l-prezzijiet raġjonevoli ħafna tal-appartamenti għall-kiri. Milli jidher il-prezzijiet bħalissa huma baxxi aktar milli kienu fil-passat.
Fl-Italja tissemma’ Lecce, belt barokka, il-pizza, l-kafe` u l-ikel, imma għandha l-iżvantaġġ – li mhux kulħadd jitkellem bl-Ingliż. Fil-Portugall l-inħawi ta’ Evora, fil-qalbha ta’ Alentejo, siegħa bogħod minn Lisbona qed tissemma’ bħala post ideali wkoll għall-irtirar. L-inħawi huma bliet protetti mill-UNESCO u r-reġjun huwa wieħed imsemmi għall-inbid.
Sabiħa Malta u jekk nasal sal-eta` tal-irtirar, diġa` naf fejn se ngħix.
PROĊEDURI KONTRA MIN JIKSER IR-REGOLI EKONOMIĊI
Read More
L-ISTATI MEMBRI TAL-MEDITERRAN DWAR IL-KRIŻIJIET TAL-UE
Read More
L-EWROPA MA TISTAX TFARFAR IL-PROBLEMA TAL-IMMIGRAZZJONI FUQ L-ISTATI Ż-ŻGĦAR TAS-SUD
Read More
IŻ-ŻEJT TAŻ-ŻEBBUĠA TUNEŻIN FL-EWROPA
Read More
L-AJRUPORTI FAVUR IX-XENGEN
Read More
FTEHIM MAL-AWSTRALJA U NEW ZEALAND
Read More
M’HEMMX FLUS BIEX IŻARMAW L-IMPJANTI NUKLEARI
Read More
MIŻURI MONETARJI ĠODDA
Read More
L-EWROPA TEĦTIEĠ INVESTIMENT PUBBLIKU ĠDID
Read More
IL-KLASSI TAN-NOFS ISSIBHA AKTAR DIFFIĊLI
Read More
L-S&D SE TINDIRIZZA T-TĦASSIB TAS-SAJJIEDA MALTIN
Read More
IL-MED GROUP
Read More
ĦAMES PAJJIŻI EWROPEJ FAVORITI MAL-AMERIKANI
Read More
BLA PJAN DWAR L-IMMIGRAZZJONI
Read More
Post a comment